ભારતે ટોસ જીતીને બેટિંગ કરવાનો નિર્ણય લીધો હતો. ભારત તરફથી કેપ્ટન કોહલીના 63 રન, હાર્દિક પંડ્યાના 92 રન અને રવીન્દ્ર જાડેજાના 66 રનની મદદથી ભારતે 302નો લક્ષાંક આપ્યો હતો.
આ લક્ષ્યાંકની સામે ટીમ ઓસ્ટ્રેલિયા 289 રન કરી શકી હતી. ભારતીય બોલરો નિયમિત અંતરે વિકેટો લેવામાં સફળ રહ્યા હતા.
ભારતે વ્હાઈટ વોશ અટકાવ્યું
નોંધનીય છે કે ભારત અને ઓસ્ટ્રેલિયા વચ્ચેની ત્રણ વન ડેની શ્રેણીમાં ભારત પહેલેથી 2 વન ડે ગુમાવી ચુક્યું હતું. આ વખતે ભારતીય બોલરોએ કાંગારું બેટ્સમેનોને સફળતાપૂર્વક નિયંત્રણમાં રાખ્યા હતા.
ઓસ્ટ્રેલિયામાં ફરીથી ફિન્ચ અને મેકસવેલ ઝળક્યા
ઓસ્ટ્રેલિયાના કેપ્ટન એરોન ફિન્ચે 75 રન બનાવ્યા હતા જયારે મેક્સવેલે 38 બોલમાં ઝંઝાવાતી 59 રનની ઇનિંગ્સ રમી હતી. જો કે ત્યાર બાદ નીચલા ઓર્ડરના બેટ્સમેન સ્કોર ન કરી શકતા છેલ્લી ઓવર સુધી પહોંચ્યા પછી પણ ઓસ્ટ્રેલિયા 13 રને હારી ગયું હતું.