બૅન / આ કંપનીના રેપિડ એન્ટિજન ટેસ્ટ કિટમાં મળી ખામી, 7 દિવસ માટે લાગ્યો બૅન

• CDSCOએ કંપની પર લગાવ્યો બૅન
• દક્ષિણ કોરિયાની એસડી બાયોસેંસર્સ પર લાગ્યો 7 દિવસનો બૅન
• ઓછા સેંસેટિવિટી વાળા રેપિડ એન્ટિજન ટેસ્ટ કિટથી મળે છે ખોટું રિઝલ્ટ

 
સીડીએસસીઓનું કહેવું છે કે કંપની સેંસેટિવિટી અને સ્પેશિફિશિટીને લઈને ન્યૂનતમ જરૂરિયાતોને પૂરી કરવામાં નાકામ રહી છે. આ નિર્ણયની સાથે સીડીએસસીઓએ કંપનીને કારણ બતાઓ નોટિસ આપી છે અને પૂછ્યું છે કે શા માટે કંપનીનું આયાત લાયસન્સ કેન્સલ કે સસ્પેન્ડ કરાયું નથી. 

એન્ટીજન ટેસ્ટ કિટ માનકો પર યોગ્ય પૂરવાર થયા નથી

ભારતમાં વેચાણ અને ઉપયોગ માટે પણ રેપિડ એન્ટિજન ટેસ્ટ કિટને ન્યુનતમ 95 ટકા સ્પેસિફિશિટી અને 50 ટકા સેન્સેટિવિટીના માનકો પર પૂરવાર થવું પડે છે. આ પછી કિટને ઈન્ડિયન કાઉન્સિલ ઓફ મેડિકલ રિસર્ચની તરફથી અપ્રૂવલ અપાય છે. કંપનીએ કહ્યું કે સેમ્પલ કલેક્શન અને પ્રક્રિયાગત કારણોના આધારે એન્ટીજન ટેસ્ટ કિટ માનકો પર યોગ્ય પૂરવાર થયા નથી. 

રાજ્યોને કિટ્સને ન વાપરવા માટે મોકલાઈ તાત્કાલિક નોટિસ

આ પછી તરત જ દરેક રાજ્યોને ડ્રગ કંટ્રોલરની એક નોટિસ મોકલીને વિશેષ બેચ નંબરની દરેક કિટને ઉપયોગમાં ન લેવાનો આદેશ અપાયો છે. દરેક કિટમાં 7 ડિસેમ્બરે ખામી આવી હતી. આદેશમાં કહેવાયું છે કે સાર્વજનિક હિતમાં ડ્રગ્સ અને કાસ્મેરિટક્સ એક્ટ એન્ડ રૂલ્સના આધારે નિર્દેશ અપાયો છે કે સ્ટેન્ડર્ડ ક્યૂ કોવિડ 19 એન્ટીજન ટેસ્ટને પરત લે અને સાથે દરેક ડિસ્ટ્રીબ્યુટર્સને સૂચિત કરે અને સપ્લાય અપાયો છે તેને બતાવે અને કિટનો ઉપયોગ તાત્કાલિક રીતે રોકી દેવામાં આવે. સાથે આદેશમાં કહેવાયું છે કે કંપનીને સ્ટેન્ડર્ડ ક્યૂ કોવિડ 19 એન્ટીજન ટેસ્ટ કિટ આવનારા 7 દિવસો સુધી આયાત અને વિતરણ ન કરવાનો આદેશ અપાયો છે. 

કોરોના વાયરસ સંક્રમણના કેસમાં લગભગ 80 ટકા ટેસ્ટ રેપિડ એન્ટીજન ટેસ્ટ કિટથી થઈ રહ્યા છે. દિલ્હી સરકારે હાલમાં આલોચનાનો સામનો કર્યો હતો કેમકે ઓછી સેંસિટિવિટી વાળા કિટનો મતલબ છે કે વાયરસ પોઝિટિવ વ્યક્તિના નેગેટિવ આવવાની શક્યતા વધે છે.