આતંકવાદને છાવરતા પાકિસ્તાનને મળ્યો બેવડો ઝટકો, આંતરાષ્ટ્રીય સ્તરે ભારતની મોટી જીત

સ્ટેટ પોલિસી તરીકે આતંકવાદનો ઉપયોગ કરનાર પાકિસ્તાનને બેવડો ઝાટકો લાગ્યો છે. એક બાજુ સંયુકત રાષ્ટ્રે ટેરર ફંડિંગ વિરૂદ્ધ એક પ્રસ્તાવનો સ્વીકાર કર્યો છે. બીજીબાજુ અમેરિકન સાંસદ સ્કોટ પેરીએ સંસદમાં પાકિસ્તાન સામે પ્રસ્તાવ લાવવામાં આવ્યો છે. જેમાં આતંકી ઠેકાણાઓને નષ્ટ કરવાની માગણી કરવામાં આવી છે. આ નિર્ણયને ખુબ મહત્વનો માનવામાં આવી રહ્યો છે અને ભારતની આ મોટી જીત મનાઈ રહી છે.

ભારતે સંયુકત રાષ્ટ્રમાં ટેરર ફંડિંગ પર પ્રતિબંધ મૂકવા અને તેના માટે માપદંડ નક્કી કરવાની દિશામાં કામ શરૂ કર્યું છે...જેમાં ફાઇનાન્સિયલ એકશન ટાસ્ક ફોર્સને મોટી ભૂમિકા સોંપવા સંબંધિત પ્રસ્તાવનું સ્વાગત કર્યું છે.


આ પ્રસ્તાવનું સમર્થન કરતાં સંયુકત રાષ્ટ્રમાં ભારતના સ્થાયી પ્રતિનિધિ સૈયદ અકબરૂદ્દીને નામ લીધા વગર પાકિસ્તાન પર આકરા પ્રહારો કર્યા અને તેને વારંવાર ગુનો કરનાર ગણાવ્યું હતું. પાકિસ્તાન તરફ ઇશારો કરતાં અકબરૂદ્દીને કહ્યું કે, કેટલાંક દેશો જે આતંકવાદીઓનું સમર્થન કરે છે, તે પોતાની કરતૂતો બચાવ માટે અને કાર્યવાહી ના કરવા માટે બહાના શોધી રહ્યા છે.સીરીયલ ઓફેંડર આતંકવાદનું સમર્થન કરી રહ્યા છે. 

આંતરરાષ્ટ્રીય સમુદાય આતંકવાદની વિરૂદ્ધ કાર્યવાહી કરવા માટે બેચેન છે. તેમણે ટેરર ફંડિંગ પર લગામ લગાવા માટે પ્રસ્તાવને કડકાઇથી લાગૂ કરવાની માગ કરી છે...સંયુકત રાષ્ટ્રની પ્રતિબંધિત યાદીમાં સામેલ આતંકી સંગઠનોના પ્રતિબંધો છતાંય ફંડ અને હથિયાર મળવા પર ચિંતા વ્યકત કરી હતી.

તેમનો ઇશારો જૈશ-એ-મોહમ્મદ જેવા આતંકી સંગઠનોની તરફ હતો. FATFએ સમીક્ષા બાદ ટેરર ફંડિંગને લઇ પાકિસ્તાનને કઠઘરામાં ઉભા કર્યા છે. એવી સંભાવના છે કે, પાકિસ્તાનને પ્રતિબંધોનો સામનો કરવો પડી શકે છે અને તેને ગ્રેલિસ્ટમાં નાંખી શકે છે. 
 

New milestone adopted by @UN to Counter Terrorist Financing.

Unfortunately, States who are apologists for terrorists will continue to provide alibis to justify their actions & inaction too - @IndiaUNNewYork
https://t.co/OeupspHS38#zerotoleranceforTerror#NoMoneyforTerror pic.twitter.com/vRNHdi86ku

— Syed Akbaruddin (@AkbaruddinIndia) March 29, 2019

બીજીબાજુ અમેરિકન સાંસદ સ્કૉટ પેરીએ સંસદમાં પાકિસ્તાન વિરૂદ્ધ પ્રસ્તાવ મૂકયો છે. પ્રસ્તાવમાં પુલવામા આતંકી હુમલાની નિંદા કરી છે અને પાકિસ્તાનમાં આતંકી ઠેકાણાઓને ખતમ કરવાની માગ2ણી કરી છે. પ્રસ્તાવમાં પાકિસ્તાન પર આતંકવાદીઓને આશરો આપવા માટે દોષિત ગણાવ્યા છે.

યુએસ હાઉસમાં રિપબ્લિકન સાંસદ સ્કૉટ પેરી દ્વારા લાવવામાં આવેલા આ પ્રસ્તાવમાં પુલવામા આતંકી હુમલાની ટિકા કરાઈ હતી. જેને પાકિસ્તાન સ્થિત આતંકી સંગઠન જૈશ-એ-મોહમ્મદના આત્મઘાતી હુમલાખોરે અંજામ આપ્યો હતો. આ મામલે અમેરિકાના સંસદમાં પાકિસ્તાનને ગુનેગાર ઠેરવવાના પ્રયાસ ચાલી રહ્યા છે.