રેન્કિંગ / વર્લ્ડ ટેસ્ટ ચેમ્પિયનશિપ વિનર ન્યૂઝીલેન્ડને હરાવીને ટીમ ઇન્ડિયા બની નંબર 1, જાણો કઇ ટીમને કેટલા પોઇન્ટ

• ટેસ્ટ રેન્કિંગમાં ટૉપ પર પહોંચી ટીમ ઇન્ડિયા
• ન્યૂઝીલેન્ડ વિરૂદ્ધ 1-0થી જીતી છે સીરીઝ
• સીરીઝ પૂર્ણ થયા બાદ નવા રેન્કિંગ જાહેર કરાયા

ICC દ્વારા ભારત-ન્યૂઝીલેન્ડની ટેસ્ટ સીરીઝ પૂર્ણ થયા બાદ નવા રેન્કિંગ જાહેર કરવામાં આવ્યા છે, જેમાં ટીમ ઇન્ડિયા નંબર 1 બની છે. ખાસ વાત એ છે કે, ટીમ ઇન્ડિયાની આ ઉપલબ્ધિ હાલના વર્લ્ડ ટેસ્ટ ચેમ્પિયનશિપ વિનર ન્યૂઝીલેન્ડને હરાવીને મેળવી છે અને તેને જ નંબર 1 પરથી પાછળ ધકેલી દીધું છે. હવે ICC રેન્કિંગમાં ભારતના કુલ 124 પોઇન્ટ થઇ ગયા છે, જ્યારે ન્યૂઝીલેન્ડના 121 પોઈન્ટ છે.

ટીમ ઇન્ડિયાની અંદાજિત 6 મહિના બાદ નંબર 1 પોઝિશન પર વાપસી થઇ છે. જૂનમાં જ્યારે ટીમ ઇન્ડિયાએ વર્લ્ડ ટેસ્ટ ચેમ્પિયનશિપની ફાઇનલ ગુમાવી હતી, ત્યારબાદ ન્યૂઝીલેન્ડ નંબર 1 પર ચાલ્યું ગયું હતું. પરંતુ હવે ટીમ ઇન્ડિયાએ ફરીથી તે હાંસલ કરી લીધું છે.

🔝

India are back to the No.1 spot in the @MRFWorldwide ICC Men’s Test Team Rankings.#INDvNZ pic.twitter.com/TjI5W7eWmq

— ICC (@ICC) December 6, 2021

કેપ્ટન વિરાટ કોહલીની આગેવાનીમાં ભારતી ટેસ્ટ ટીમ ઘણી મજબૂત થઇ છે. ટીમ ઇન્ડિયા 2016થી 2020 સુધી સતત 1 નંબર પર રહી ચૂકી છે. ત્યારબાદ ઑસ્ટ્રેલિયા અને ન્યૂઝીલેન્ડે થોડો સમય તે પૉઝિશન મેળવી હતી.

બાદમાં ભારતે ફરીથી આ ઉપલબ્ધિ હાંસલ કરી હતી, પરંતુ ટેસ્ટ ચેમ્પિયનશિપ ગુમાવીને ટીમ ઇન્ડિયા નંબર-2 પર પહોંચી હતી. હવે કેપ્ટન વિરાટ કોહલી અને રાહુલ દ્રવિડની જોડીની સામે પડકાર હશે કે તેઓ આ પૉઝિશનને યથાવત્ રાખે અને સાઉથ આફ્રિકામાં પણ જીત મેળવી લે.

ભારતે ન્યુઝીલેન્ડને 372 રને હરાવી રચ્યો ઇતિહાસ, ટેસ્ટમાં અત્યાર સુધીની સૌથી મોટી જીત

ભારતે મુંબઇ ટેસ્ટમાં ન્યૂઝીલેન્ડને 372 રનથી હરાવીને મેચ અને સિરીઝ બંને જીતી લીધી છે. રનના હિસાબે આ ભારતની સૌથી મોટી જીત છે.

ટીમ ઇન્ડિયાએ આપ્યો આ ટાર્ગેટ

ભારતીય ટીમે ન્યૂઝીલેન્ડને મેચ જીતવા માટે 540 રનનો ટાર્ગેટ આપ્યો હતો પરંતુ ન્યૂઝીલેન્ડની ટીમ માત્ર 167 રન બનાવીને ઓલઆઉટ થઇ ગઇ હતી. 

ભારતે પહેલી ઇનિંગમાં 325 રનનો સ્કોર બનાવ્યો હતો. ભારત તરપથી મયંક અગ્રવાલે શાનદાર 150 રન બનાવ્યા હતા અને ન્યૂઝીલેન્ડની ટીમ માત્ર 62 રનમાં ઓલઆઉટ થઇ ગઇ હતી. બીજી ઇનિંગમાં પણ 167 રન જ બનાવી શકી હતી.