ભારતીય રિઝર્વ બેંક જલ્દીથી 20 રૂપિયાનો સિક્કા જારી કરવા જઇ રહ્યું છે. જો કે આ સિક્કા હાલ ચાલી રહેલા અન્ય સિક્કાથી ડિઝાઇનમાં ખૂબ અલગ હશે.
નાણા મંત્રાલયે આ વાતની જાહેરાત કરી દીધી છે.
આ આકારમાં થશે જારી
20 રૂપિયાનો જે સિક્કો જારી થશે એ ગોળ નહીં હોય. એ એક પૉલીગોન આકારનો હશે. આ સિક્કાના 12 બાજુઓ હશે. જો કે સરકારે આ સિક્કાની ડિઝાઇન જારી કરી નથી.
10 વર્ષ બાદ જારી થશે સિક્કો
માર્ચ 2009માં આરબીઆઇએ 10 રૂપિયાનો પહેલો સિક્કો જારી કર્યો હતો. ત્યારબાદ બીજી કોઇ કરન્સીનો સિક્કો જારી કરવામાં આવ્યો નહતો. પહેલાથી ચાલી રહેલા એક, બે, પાંચ અને 10 રૂપિયાના નવા સિક્કા જ જારી થયા છે.
10 રૂપિયાના બજારમાં આશરે 13 અલગ અલદગ ડિઝાનના સિક્કા ચલણમાં છે. લોકોમાં આ સિક્કાને લઇને પહેલાથી ખૂબ ભ્રમની સ્થિતિ પેદા થઇ ગઇ હતી. દેશના કોઇક ભાગમાં 10 રૂપિયાનો સિક્કો ચાલી રહ્યો નહતો, તો ક્યાંયક 1 રૂપિયાનો નાનો સિક્કો ચાલી રહ્યો નહતો.
રિઝર્વ બેંકના પ્રવક્તાએ કહ્યું કે જે પણ સિક્કા જારી કરવામાં આવ્યા છે, એ રિઝર્વ બેંકના નિયમ હેઠળ જારી કરવામાં આવ્યા છે. એટલા માટે દરેક સિક્કા કાયદેસર છે. જો કોઇ વ્યક્તિ અથવા બેંક એને લેવા માટે ના પાડે છે તો એની સૂચના પોલિસને આપવી જોઇએ.