ભારત અમેરિકાની સાથે એક એવી સૈન્ય સમજુતી કરવા જઈ રહ્યું છે જે અંતર્ગત તેને યુએસના સેટેલાઈટ ડેટાનું એક્સેસ મળશે. સેટેલાઈટ ડેટાની મદદથી મિસાઈલ અને ડ્રોન વધારે સટીક હુમલા કરી શકશે. હકિકતમાં ભારત આ બાબતે ચીનની સેનાની વધતા દબાણને વહેંચવા માંગે છે. એલએસી પર ચીની સેનાની સાથે જબરજસ્ત તણાવની વચ્ચે આ ભાવિ સમજુતિ વધારે મહત્વની રહેશે.
ભારતને અમેરિકી સેટેલાઈટના ઉપયોગની મળી શકે મંજૂરી
US વિદેશ મંત્રી માઈક પોમ્પિયો સાથેની બેઠકમાં થઈ શકે કરાર
ચીન સાથે વધી રહેલા તણાવ વચ્ચે આ સમજૂતી ઘણી મહત્વની
બન્ને પક્ષો તરફથી આવતા અઠવાડિયે અમેરિકાના વિદેશ મંત્રી માઈક પોમ્પિયો અને રક્ષા મંત્રી માર્ક પસ્પર નવી દિલ્હીના પ્રવાસ દરમિયાન આ સમજુતિનું એલાન કરે તેવી આશા સેવાઈ રહી થે. અમેરિકા નેતા 2+2ની વાર્તા માટે દિલ્હી આવી રહ્યા છે.
એક તરફ ક્વાડ દેશોની નૌસેનાનું પરીક્ષણ થવા જઈ રહ્યું છે. ક્વાડ દેશોના પરીક્ષણ પૂર્વે માઈક પોમ્પિયો ભારત આવશે. ક્વાડ દેશમાં ભારત, અમેરિકા, ઓસ્ટ્રેલિયા અને જાપાનનો સમાવેશ થાય છે. બીજી તરફ ચીન સાથે તણાવ વચ્ચે ભારત-અમેરિકા વચ્ચે દ્વિપક્ષીય બેઠક યોજાવા જઈ રહી છે.
ભારત-અમેરિકાની બેઠકમાં આ મહત્વના કરાર થઈ શકે છે. ભારત-અમેરિકા વચ્ચે સૈન્ય સમજૂતી થઈ શકે તેવી આશા છે. ભારતને અમેરિકી સેટેલાઈટના ઉપયોગની મંજૂરી મળી શકે છે.
US વિદેશ મંત્રી માઈક પોમ્પિયો સાથેની બેઠકમાં કરાર થઈ શકે છે. ચીન સાથે વધી રહેલા તણાવ વચ્ચે આ સમજૂતી ઘણી મહત્વની છે. કેમ કે આ કરાર થી મિસાઈલ અને ડ્રોનથી ટાર્ગેટ પર હુમલો કરી શકાશે. એક તરફ LAC પર ચીન સતત સેના વધારી રહ્યું છે. ચીનની તમામ ચાલને નિષ્ફળ બનાવવા ભારત પણ સક્રીય થયું છે. સમુદ્રમાં ચીનની વધતી તાકાત સામે અમેરિકા પણ મેદાનમાં ઉતર્યું છે.