ભારત દુનિયાની સૌથી ઝડપથી વધતી અર્થવ્યવસ્થા, IMFએ મોદી સરકારની કરી પ્રશંસા

ભારતની દુનિયાની સૌથી ઝડપથી વધતી મોટી અર્થવ્યવસ્થામાંથી એક છે. આંતરરાષ્ટ્રીય મુદ્રા કોષ (IMF)એ આ અંગેની જાણકારી આપી છે. આઇએમએફએ ભારતની કેન્દ્ર સરકારની પ્રશંસા કરતાં જણાવ્યું કે ભારતે ગત વર્ષોમાં ઘણા આર્થિક સુધારા કર્યું, પરંતુ હજુ ઘણુ કરવાનું બાકી છે.



આઇએમએફ કોમ્યુનિકેશન ડાયરેકટર ગેરી રાઇસે ગત પાંચ વર્ષોમાં ભારતના આર્થિક વિકાસને લઇને પુછવામાં આવેલા સવાલના જવાબમાં કહ્યું કે  ભારત નિશ્ચિત રૂપથી દુનિયાની સૌથી ઝડપથી વધતી મોટી અર્થવ્યવસ્થામાંથી એક છે. ગત પાંચ વર્ષમાં ભારતનો સરેરાશ વૃધ્ધિ દર અંદાજે સાત ટકા રહ્યો છે.



ગેરી રાઇસે કહ્યું કે ભારતમાં જરૂરી સુધાઓને લાગુ કરવામાં આવ્યા છે અને ગ્રોથ રેટને ઉપર રાખવા માટે હજુ વધારે સુધારા કરવાની આવશ્યકતા છે. આઇએમએફના કમ્યુનિકેશનના ડાયરેકટરે જણાવ્યું કે ભારતીય અર્થવ્યવસ્થા અંગે વિસ્તારથી આવતા મહીને યોજાનાર આઇએમએફ દ્વારા વર્લ્ડ ઇકોનોમિક આઉટલૂક (WEO) સર્વેમાં જાણવા મળશે. આ રિપોર્ટ વિશ્વ બેંકની બેઠક પહેલા આવશે. આ રિપોર્ટ ભારતીય મૂળના અમેરિકાના ઇકોનોમિસ્ટ ગીતા ગોપીનાથના નેતૃત્વમાં પ્રથમ વખત રજૂ થશે. ગીતા ગોપીનાથ હાલમાં જ આઇએમએફના ચીફ ઇકોનોમિસ્ટ બન્યાં છે.



ઉલ્લેખનીય છે કે આ અગાઉ બીજી ઘણી બધી આંતરરાષ્ટ્રીય સંસ્થા પણ ભારતીય અર્થવ્યવસ્થાની પ્રશંસા કરી ચૂકી છે. કેન્દ્રીય નાણાં પ્રધાન અરૂણ જેટલી અનુસાર મોદી સરકારના કાર્યકાળમાં ભારતીય ઇકોનોમી સોથી વધુ મજબૂત રહી છે. અરુણ જેટલીએ જણાવ્યું કે આઝાદી બાદ પહેલી એવી સરકાર છે જેમાં  ભારતીય ઇકોનોમીને નવી ઉંચાઇ પર પહોંચાડી છે.