ધનકૂબેરોમાં વધારો / મહામારી માત્ર ગરીબોને હેરાન કરી ગઈ : 2020માં દર અઠવાડિયે એક ભારતીય બન્યો અબજોપતિ

• 2020 માં 55 ભારતીય અબજોપતિના લિસ્ટમાં ઉમેરાયા 
• હવે 209 ભારતીય અબજોપતિ છે તેમાં 177 ભારતમાં રહે છે.
• મુકેશ અંબાણી દુનિયાના 8 મા સૌથી અમીર શખ્સે બન્યાં

 2020 માં કોરોના મહામારીના કહેર વચ્ચે પણ 55 ભારતીય અબજોપતિના લિસ્ટમાં ઉમેરાયા છે તેમાં ભારતમાં રહેતા અને દેશમાંથી બહાર જનાર ભારતીય  મૂળના લોકો સામેલ છે. 

હુરુન ગ્લોબલ રિચ લિસ્ટ 2021 માં જણાવ્યાનુસાર હવે 209 ભારતીય અબજોપતિ છે તેમાં 177 ભારતમાં રહે છે.

સંપત્તિમાં 10 વર્ષમા સૌથી વધારે વૃદ્ધિ
હુરુનના ચીફ રિસર્ચર રુપર્ટનું કહેવું છે કે કોવિડ-19 ને કારણે પેદા થયેલી સમસ્યાઓની વચ્ચે પણ 2020 માં સંપત્તિમાં 10 વર્ષમાં સૌથી વધારે વૃદ્ધિ જોવા  મળી છે. આખી દુનિયામાં દર અઠવાડિયે 8 નવા અબજોપતિ બન્યાં અને વૈશ્વિક અબજોપતિની સંખ્યા 3288 થઈ ગઈ છે. 

સૌથી વધારે અબજોપતિ મુંબઈમા રહે છે 
2020 માં 55 ભારતીય અબજોપતિની ક્લબમાં સામેલ થયા છે. દર અઠવાડિયે એક ભારતીય અબજોપતિ બન્યાં છે.મુંબઈમાં સૌથી વધારે 60, નવી દિલ્હીમાં 40, બેંગ્લુરુમાં 22 અબજોપતિ રહે છે. 

મુકેશ અંબાણી બન્યાં દુનિયાના 8 મા ધનકૂબેર 
રિલાયન્સ ઈન્ડસ્ટ્રીઝના ચેરમેન અને મેનેજિંગ ડિરેક્ટર મુકેશ અંબાણી દુનિયાના 8 મા સૌથી અમીર શખ્સે બન્યાં છે. છેલ્લા 1 વર્ષમાં મુકેશ અંબાણીની સંપત્તિમાં 24 ટકાનો વધારો થયો અને હવે તેઓ 83 અબજ ડોલરના માલિક છે. ભારતીય કરન્સીમાં તેમની સંપત્તિ રુ. 6.09 લાખ કરોડ થવા જાય છે. 

બીજા કયા ભારતીયો ગ્લોબલ રિચ લિસ્ટમાં સ્થાન પામ્યાં 

હુરુન ગ્લોબલ રિચ લિસ્ટ 2021 માં સ્થાન હાંસલ કરનાર બીજા ભારતીય અબજોપતિમાં ગૌતમ અદાણી (રુ. 2.34 લાખ કરોડની સંપત્તિ સાથે 48 મા સ્થાને), શિવ નાદર (રુ.1.94 લાખ કરોડની સંપત્તિ સાથે 58 મા સ્થાને  લક્ષ્મી મિત્તલ (રુ. 1.40 લાખ કરોડ સાથે 104 મા સ્થાને) સાઈરસ પુનાવાલા (રુ.1.35 લાખ કરોડની સંપત્તિ સાથે 113 મા સ્થાને)