વેક્સિનેશનમાં ભારતે વિશ્વના પ્રથમ હરોળના દેશોને પાછળ મૂકી દીધા છે. ભારતમાં વેક્સિનનની શરૂઆત 16 જાન્યુઆરી 2021માં થઇ હતી.
વિશ્વમાં વેક્સિનેશનમાં ભારતનો ડંકો
1 વર્ષમાં 156 કરોડ વેક્સિન ડોઝ અપાયા
ભારતે વેક્સિનેશનમાં હાંસલ કર્યો માઇલ સ્ટોન
ભારતે વેક્સિનેશનની શરૂઆત કરીને આજે એક વર્ષ પૂર્ણ થયુ છે. ત્યારે ભારતે વેક્સિનેશનમાં વિશ્વમાં ડંકો વગાડ્યો છે. ભારતે વેક્સિનેશમાં 156 કરોડ ડોઝ આપવામાં આવ્યા છે. વેક્સિનેશનમાં ભારતે વિશ્વના પ્રથમ હરોળના દેશોને પાછળ મૂકી દીધા છે. ભારતમાં વેક્સિનનની શરૂઆત 16 જાન્યુઆરી 2021માં થઇ હતી. વેક્સિન આપવા માટે સરકાર દ્વારા કરવામાં આવેલા નક્કર આયોજનને કારણે માઇલસ્ટોન હાંસલ કર્યો છે.
દેશ
વેક્સિનની શરૂઆત
એક વર્ષમાં વેક્સિન ડોઝ
ભારત
16 જાન્યુઆરી 2021
1560 મિલિયન
અમેરિકા
14 જાન્યુઆરી 2020
491.19 મિલિયન
બ્રાઝિલ
17 જાન્યુઆરી 2021
338.39 મિલિયન
જર્મની
26 ડિસેમ્બર 2020
147.26 મિલિયન
રશિયા
5 ડિસેમ્બર 2020
130.27 મિલિયન
ફ્રાન્સ
27 ડિસેમ્બર 2020
121.31 મિલિયન
બ્રિટન
8 ડિસેમ્બર 2020
119.07 મિલિયન
આજે ભારત માટે એક મહત્વપૂર્ણ દિવસ છે, કોરોના વાયરસ વેક્સિનેશનને આજે એક વર્ષ પૂન થયું છે કારણ કે આજના જ દિવસે ગયા વર્ષે કોરોના વાયરસ સામે સૌથી મોટા હથિયાર તરીકે કોરોના વેક્સિન આપવાની શરૂઆત કરવામાં આવી હતી. તે બાદ દેશમાં અનેક અડચણોની વચ્ચે ઐતિહાસિક ધોરણે કોરોના વેક્સિનેશન કરવામાં આવ્યું છે.
કેટલા લોકોને અપાઈ રસી
એક વર્ષ પહેલા 138 કરોડની વસ્તી ધરાવતા દેશમાં કોરોના વેક્સિન કઈ રીતે અપાશે તેને લઈને ખૂબ જ આશંકાઓ હતી. પરંતુ કોરોના સામે લડવામાં કોરોના વેક્સિનની સફળતાથી ઘણો લાભ મળ્યો છે. ભારતમાં કોરોના વેક્સિનના આંકડાઓ અનુસાર 69 ટકા જનતા એટલે કે 65 કરોડ લોકોને કોરોના વેક્સિનના બંને ડોઝ આપી દેવામાં આવ્યા છે.
તેજીથી ચાલી રહ્યું છે વેક્સિનેશન અભિયાન
થોડા દિવસ પહેલા 15થી 18 વર્ષના 8 કરોડ તરુણો માટે કોરોના વેક્સિન આપવાની શરૂઆત કરવામાં આવી છે જેમાં અત્યાર સુધીમાં સવા ત્રણ કરોડને એક ડોઝ આપી દેવામાં આવ્યો છે. આ ઉપરાંત કેટલાક વૃદ્ધોને અને ફ્રન્ટલાઇન વર્કર્સને કોરોના વેક્સિનનો બૂસ્ટર ડોઝ આપવામાં આવી રહ્યો છે.
હજુ કરોડો લોકોએ એક પણ ડોઝ નથી લીધો
જોકે ભારત હજુ પોતાના ફાઇનલ ધ્યેયથી ઘણો દૂર છે. ભારતમાં 15 વર્ષથી ઉપરની વસ્તીની સંખ્યા 103 કરોડ છે જેમાં 90 કરોડને પહેલો ડોઝ આપી દેવામાં આવ્યો છે જ્યારે 65 કરોડને બંને ડોઝ આપી દેવામાં આવ્યા છે.