ગજબ પરંપરા / 700 વર્ષ જુની પરંપરા: આ સ્થળે યોજાય છે 'વરરાજાનો મેળો', કારણ રસપ્રદ અને ચોંકાવનારું

• દેશમાં અહીં સજાવવામાં આવે છે દુલ્હાનુ માર્કેટ
• દુલ્હાના માર્કેટમાં લગભગ 100 દુલ્હા બેસે છે
• આ માર્કેટમાં આવતા લોકો યોગ્ય જીવનસાથી શોધે છે 

દહેજ લેવુ અને આપવામાં બિહાર અને ઉત્તર પ્રદેશ સૌથી આગળ

ભારતમાં જ્યાં એક બાજુ દહેજ લેવુ અને આપવુ કાયદાકીય ગુનો છે, તો કેટલાંક લોકો તેમ છતાં પોતાની લાલચથી બાજ આવતા નથી. દહેજ લેવુ અને આપવા મામલે દેશના દરેક રાજ્યોમાં બિહાર અને ઉત્તર પ્રદેશનુ નામ સૌથી આગળ રહે છે. આ કામ ઘણી વખત છુપાઈને નહીં પરંતુ ભરસભામાં કરવામાં આવે છે. ઘણી વખત વરરાજાની આવકની દ્રષ્ટિએ દહેજની રકમ ફાઈનલ કરવામાં આવે છે. સૌથી મહત્વની વાત એ છે કે યુવક અને યુવતી બંનેના પરિવારજનો તેનાથી સહમત થાય છે. 

અહીં ભરાય છે દુલ્હાનુ માર્કેટ 

બિહારમાં ભરાતા આ દુલ્હાના માર્કેટમાં લગભગ 100 દુલ્હા બેસે છે. મહત્વનું છે કે આ માાર્કેટને સૌરાઠ સભા પણ કહેવામાં આવે છે. જેના માટે માનવામાં આવે છે કે આ દુનિયાની સૌથી જૂની વૈવાહિક સાઈટોમાંથી એક છે. આ માર્કેટમાં અનેક જ્ઞાતિઓના લોકો આવે છે અને પોતાના માટે યોગ્ય જીવનસાથી શોધે છે. 

પરિવારજનો કરે છે વાતચીત

જે યુવકનો વ્યવસાય વધુ પ્રતિષ્ઠિત હોય છે, તેને એટલું જ દહેજ મળે છે. આ સભામાં એરેન્જ મેરેજ કરાવવામાં આવે છે. જે આજકાલના સમયમાં ઓછા થઇ રહ્યાં છે. અહીં રહેતા સ્થાનિકો જણાવે છે કે પહેલાના દિવસોમાં લોકોને સભામાં લાવવા માટે આખા રાજ્યમાં બસો દોડતી હતી. એક રિપોર્ટ મુજબ, લોકોનુ કહેવુ છે કે મીડિયાએ સભાને એક માર્કેટ તરીકે પ્રેજન્ટ કર્યુ, જ્યાં પુરૂષોને મવેશીઓની જેમ વેચવામાં આવતા હતા.