ચેન્નાઈમાં ભારત અને ઈંગ્લેન્ડ વચ્ચે રમાઈ રહેલ બીજી ટેસ્ટ મેચનાં ત્રીજા દિવસે ભારતે પહેલી ઈનિંગમાં 329 રન બનાવ્યા હતા જ્યારે તેનાં જવાબમાં ઈંગ્લેન્ડની પૂરી ટીમ 134 રનમાં સમેટાઈ ગઈ હતી. ત્યારબાદ બીજી ઈનિંગમાં ભારતે 286 રન બનાવીને 482 રનની લીડ મેળવી લીધી છે.
ત્રીજો દિવસ ભારતીય ટીમનાં નામે રહ્યો
ઈંગ્લેન્ડે 19 ઓવરમાં 53 રન કરી 3 વિકેટ ગુમાવી
અક્ષર પટેલે છેલ્લા સેશનમાં 2 વિકેટ ખેરવી
ઈંગ્લેન્ડની ટીમ બીજી ઈનિંગમાં પણ ઝઝુમતી જોવા મળી
રવિચંદ્રન અશ્વિનની ધુંઆધાર શતકીય ઈનિંગનાં સહારે ભારત 482 રનની જંગી લીડ મેળવી શક્યું હતું. જ્યારે ભારતીય ટીમ બીજી ઈનિંગમાં 286 રનમાં સમેટાઈ ત્યારબાદ ઈંગ્લેન્ડને બીજી ઈનિંગ રમવાની શરુઆત કરવામાં આવી હતી. ઈંગ્લેન્ડ બીજી ઈનિંગમાં પણ બેટીંગમાં ઝઝુમતી જોવા મળી હતી.
53 રનમાં 3 વિકેટ ગુમાવી
ત્રીજા દિવસનાં અંત સુધીમાં ઈંગ્લેન્ડની ટીમ ફક્ત 53 રનનાં સ્કોર પર 3 વિકેટ ગુમાવી બેઠુ હતું. જેમાં 17 રનનાં સ્કોર પર ડોમ સીબલી 3 રને અક્ષર પટેલની બોલિંગ પર એલબીડબલ્યુ આઉટ થયો, 49 રનનાં સ્કોર પર અશ્વિને ફરી તેની ફિરકી ફેરવીને રોરી બર્ન્સને 25 રનમાં પેવિલિયન ભેગો કરી દીધો હતો. જ્યારે દિવસનાં અંતમાં નાઇટમેન તરીકે મોકલવામાં આવેલ જેક લીચને પહેલા બોલ પર અક્ષર પટેલે પાછો પેવિલિયન મોકલી દીધો હતો.
ઈંગ્લેન્ડ હજુ 429 રન પાછળ
ઈંગ્લેન્ડની ટીમને જીતવા માટે હજુ 429 રનની જરુર છે જ્યારે બીજી તરફ ટીમ ઈન્ડિયાને જીત માટે 7 વિકેટ ખેરવવાની જરુર છે. ચેપોકની પીચને જોતા એવુ લાગે છે કે ચોથા દિવસની શરુઆતનાં પહેલા સેશનમાંજ ટીમ ઈન્ડિયા મેચ જીતી લેશે.
અશ્વિન રહ્યો ટોપ સ્કોરર
બીજી ઈનિંગમાં વિરાટ કોહલી અને રવિચંદ્રન અશ્વિને સુઝબુઝ વાળી બેટીંગ કરીને ટીમ ઈન્ડિયાને મજબૂત સ્થિતિમાં પહોચાડી દીધી હતી. જેમાં કેપ્ટન કોહલીએ 62 રન બનાવ્યા જ્યારે રવિચંદ્રન અશ્વિને 148 બોલમાં 106 રન બનાવ્યા હતા. ભારતની બીજી ઈનિંગમાં અશ્વિન ટોપ સ્કોરર રહ્યો છે. જ્યારે ઈંગ્લેન્ડ તરફથી જેક લીચ અને મોઈન અલી 4-4 વિકેટ લેવામાં સફળ રહ્યાં હતા. હવે ઈંગ્લેન્ડને જીત માટે 482 રન બનાવવા પડશે, જે ચેપોકની રફ પીચ પર બનાવવા સરળ નહીં રહે.
ત્રણ વખત પાંચ વિકેટ સાથે શતક બનાવનાર ભારતનો એકમાત્ર પ્લેયર
અશ્વિને ટેસ્ટ ક્રિકેટમાં તેની ત્રીજી વખત પાંચ વિકેટ સાથે શતક બનાવ્યું છે. અગાઉ આવુ ઈંગ્લેન્ડનાં દિગ્ગજ ક્રિકેટર ઈયાન બોથમે કર્યું હતું જેમણે પાંચ વખત આ કામ કારનામો કર્યો છે. જ્યારે શાકિબ અલ હસન, જેક્સ કાલિસ, ગેરી સોબર્સ અને મુશ્તાક મોહમ્મદે આવુ 2 વાર કર્યું છે. અશ્વિને તેનાં કરિયરની પાંચમી સેન્ચ્યુરી ફટકારી હતી.
કોહલી બાદ અશ્વિને કમાન સંભાળી
કોહલીની વિકેટ ગુમાવ્યા બાદ અશ્વિને બેટીંગ પાવર બતાવીને સેન્ચ્યુરી ફટકારી હતી ત્યાર બાદ મોઈન અલીએ કુલદીપ યાદવની વિકેટ લઈને ભારતને આઠમો ઝાટકો આપ્યો હતો. ત્યારબાદ ઈશાંત શર્મા અને અશ્વિન ટી ટાઈમ સુધી ક્રિઝ પર રહ્યાં. પણ ટી ટાઈમ બાદ 77માં ઓવરમાં ઈશાંત શર્મા જેક લીચનો શિકાર બની ગયો ત્યારે અશ્વિન 82 રન પર રમી રહ્યો હતો.
133 બોલમાં સેન્ચ્યુરી ફટકારી
પહેલી ઈનિંગમાં પાંચ વિકેટ લીધા બાદ અશ્વિને બેટીંગમાં પણ જોબ બતાવ્યું હતુ. તેણે ભારતની બીજી ઈનિંગમાં 133 બોલમાં સેન્ચ્યુરી ફટકારીને કરિયરની પાંચમી સેન્ચ્યુરી નોંધાવી હતી. તે સમયે ભારતનો સ્કોર 270-9 હતો. ત્યારબાદ ભારત 85મી ઓવરનાં પાંચમાં બોલ પર ઓલી સ્ટોનનાં બોલ પર અશ્વિન 106 રન બનાવીને ક્લિન બોલ્ડ થતા ભારતનો સ્કોર 286 રન પર સમેટાઈ ગઈ હતી.
ઓફ સ્પિનર રવિચંદ્રન અશ્વિનની પાંચ વિકેટનાં સહારે ભારતીય ટીમ ઈંગ્લેન્ડને પહેલી ઈનિંગમાં 134 રન પર સમેટવામાં સફળ રહી હતી. જેનાં લીધે ભારતને બીજી ઈનિંગમાં 195 રનની લીડ મળી હતી. ત્રીજા દિવસની શરુઆતમાં ભારત ટૂંકાગાળામાં 5 વિકેટો ગુમાવી દીધી હતી.
86 રનનાં સ્કોર પર અદધી ટીમ પેવિલિયન ભેગી
બીજી ટેસ્ટનાં ત્રીજા દિવસે ભારતીય ટીમની છઠ્ઠી વિકેટ 106 નાં સ્કોર પર પડી હતી જ્યારે મોઈ અલીએ અક્ષર પટેલને 7 રને પેવિલિયન ભેગો કરી દીધો હતો. ભારતીય ટીમની અડધી સેના 86 રનનાં સ્કોર પર પેવિલિયન ભેગી થઈ ગઈ હતી. ત્રીજા દિવસની શરુઆતમાંજ પુજારા રન આઉટ થઈ ગયો હતો. બીજા દિવસનાં અંત સુધીમાં ભારતે 1 વિકેટ ગુમાવીને 49 રન બનાવ્યા હતા. જેથી ભારતને કુલ 249ની લીડી મળી હતી જેને આગળ ધપાવતા ત્રીજા દિવસે ભારતની શરુઆત કંઈ ખાસ સારી નહોતી રહી.
રિષભ પંત ના બતાવી શક્યો કમાલ
પુજારાનાં રનઆઉટ થયા બાદ રોહિત શર્મા જેક લીચનાં બોલ પર બેન ફોક્સ દ્વારા સ્ટમ્પ આઉટ થઈ ગયો હતો. રોહિત 70 બોલમાં 2 ચોક્કા અને 1 છક્કા સાથે 26 રન બનાવી શક્યો હતો. ત્યાબાદ રિષભ પંત પણ બેટીંગમાં વધારે કમાલ ના બતાવી શક્યો અને 8 રન બનાવીને જેક લીચની ઓવરમાં આઉટ થઈ ગયો.
લંચ બ્રેક સુધી ભારતની પકડ મજબૂત
ઈન્ડિયા ત્રીજા દિવસનાં લંચ બ્રેક સુધીમાં અશ્વિન અને વિરાટનાં સહારે 351 રનની લીડ મેળવવામાં સફળ રહ્યું હતું. લંચ બ્રેક સુધીમાં ભારતનો સ્કોર 156-6 હતો જેમાં વિરાટ કોહલી 38 અને અશ્વિન 34 રન બનાવીની નોટઆઉટ હતા. લંચ બ્રેક સુધીમાં ટીમ ઈન્ડિયાની પકડ મેચ પર મજબૂત જોવા મળી રહી છે.
ભારતની પકડ મજબૂત
લંચ બ્રેકમાંથી આવ્યા બાદ પણ ટીમ ઈન્ડિયાની રન મશિન રોકાઈ નહોતી વિરાટ કોહલી અને રવિચંદ્રન અશ્વિને ચેપોકની રફ પીચ પર એક ફીફ્ટી પાર્ટનરશિપ કરી છે જેમાં વિરાટ કોહલીએ પોતાની હાફ સેન્ચ્યુરી પૂરી કરી છે તેમજ અશ્વિન પણ 40 રનનાં સ્કોર પર બેટીંગ કરી રહ્યો છે. લંચ બ્રેક બાદ ટીમ ઈન્ડિયાએ 56.3 ઓવરમાં 372 રનની લીડ મેળવી લીધી હતી.