ઓગસ્ટ મહીનામાં 8 કોર સેક્ટર્સના વિકાસ દર રિપોર્ટમાં મોટો ઘટાડો નોંધાયો છે. ઓગસ્ટ મહીનામાં 8 કોર સેક્ટર્સનો ગ્રોથમાં 0.5 ટકાનો ઘટાડો નોંધાયો છે. જ્યારે જુલાઇ મહીનામાં આ ગ્રોથ 2.1 ટકા હતો. જ્યારે ઓગસ્ટ 2018માં આઠ કોર સેક્ટર્સનો વિકાસ દર 4.7 ટકા હતો.
ઓગસ્ટ મહીનામાં 8 કોર સેક્ટર્સના વિકાસ દર રિપોર્ટમાં મોટો ઘટાડો
8 કોર સેક્ટર્સનો ગ્રોથ ઘટીને 0.5 ટકા પર આવ્યા
જુલાઇમાં આઠ કોર સેક્ટરનો વિકાસ 2.1 ટકા હતો
વિકાસ દરમાં લગભગ 90 ટકાનો ઘટાડો નોંધવામાં આવ્યો
ગત ઓગસ્ટની તુલનામાં આ વર્ષે આઠ કોર સેક્ટર્સના વિકાસ દરમાં લગભગ 90 ટકાનો ઘટાડો નોંધવામાં આવ્યો છે. મોદી સરકાર માટે આ એક મોટો ઝટકો છે. તમામ કોશિશ કરવા છતા ઉદ્યોગોના વૃદ્ધિદરમાં ઝડપી વધારો થઇ રહ્યો નથી. જુલાઇમાં આઠ કોર સેક્ટરનો વિકાસ 2.1 ટકા હતો. જેથી એક આશા જાગી હતી કે આગળ જતા સુધારો જોવા મળશે, પરંતુ હવે ઓગસ્ટના આંકડાઓએ અર્થવ્યવસ્થાની સ્થિતિ સ્પષ્ટ કરી દીધી છે.
આ પહેલા જૂન મહીનામાં 8 પ્રમુખ ઉદ્યોગોનો ગ્રોથ ઘટીને 0.2 ટકા રહ્યો હતો. કોર સેક્ટરમાં ઘટાડાનું મહત્વપૂર્ણ કારણ ક્રુડની કિંમતમાં વધારો અને સિમેન્ટ ઉત્પાદનમાં ભારે મંદી બતાવાઇ હતી. આઠ પ્રમુખ ઉદ્યોગમાં કોલસા, ક્રુડ ઓઇલ, નેચરલ ગેસ, રિફાઇનરી પ્રોડક્ટ્સ, ફર્ટિલાઇઝર્સ, સ્ટીલ, સિમેન્ટ અને ઇલેક્ટ્રિસીટી આવે છે. તેમનો કુલ ઇન્ડસ્ટ્રિયલ આઉટપુટ (ઓધૌગિક ઉત્પાદન)માં લગભગ 40 ટકા ભાગ છે.