અમેરિકી પ્રમુખ ડોનાલ્ડ ટ્રમ્પને પદભ્રષ્ટ કરવા કે નહીં તેની કાર્યવાહી આરંભાઈ છે. અમેરિકી સેનેટમાં ટ્રમ્પ વિરુદ્ધ મતદાન થશે તો પ્રમુખપદ છોડવું પડશે. આ આગાહી સૌ પહેલાં 2016માં જયપુરના રહેવાસી ઇન્દરદાન રત્નુએ પોતના પુસ્તકમાં કરી હતી. આ સમયે ટ્રમ્પ પ્રમુખ તરીકે ચૂંટાયા પણ ન હતા.
રાજસ્થાનના ઇન્દરદાન રત્નુએ કરી હતી આગાહી
ટ્રમ્પને પદભ્રષ્ટ કરવા કે નહીં તેને લઈને કરી હતી આગાહી
2016માં ટ્રમ્પને લઈને કરી હતી આગાહી
રાજસ્થાનના ગઢવીએ 2016માં અલ્ટરનેટિવ ટુ હિલેરી ઈમ્પિચેબલ પ્રેસિડન્ટ ટ્રમ્પ નામે પુસ્તક લખ્યું. તેમાં ઈમ્પિચની વાત કરી હતી. કદાચ આ પહેલું પુસ્તક હશે જેમાં ટ્રમ્પના ઈમ્પિચની આગાહી કરવામાં આવી હતી.
પુસ્તકમાં કરાયો છે આ દાવો
રત્નુના પુસ્તકમાં દાવો કરાયો છે કે ઈમ્પિચમેન્ટ દ્વારા જ ટ્રમ્પને હટાવી દેવામાં આવશે. આ પુસ્તકમાં અમેરિકાના પ્રમુખ અંગેના બીજા પણ દાવા કરાયા છે. જેમાંથી અમુક સાચા પણ પડ્યા છે. રત્નુની આગાહી એટલા માટે મહત્વની છે કારણ કે છેક જૂન- જુલાઈ 2016માં આ પુસ્તક લખાયું હતું. એ વખતે હિલેરી અને ટ્રમ્પ બંનેમાંથી કોઈ એકના નામની ચર્ચા હતી.
ટ્રમ્પને ઈમ્પિચ કરવાની થઈ રહી છે તૈયારીઓ
હાલમાં ટ્રમ્પ ઈમ્પિચ થયા નથી પરંતુ તેના માટેની કાર્યવાહીની શરૂઆત થઈ છે. તેમનો પક્ષ રિપબ્લિકન પાર્ટી પાસે અમેરિકી સંસદના ઉપલા ગૃહ સેનેટમાં બહુમતી છે. તેમના વિરુદ્ધ મતદાન થાય અને પદભ્રષ્ટ કરવામાં આવે તેવી શક્યતા ઓછી છે.
જાણો કોણ છે રત્નુ?
રત્નુ મૂળ રાજસ્થાની છે, પરંતુ ગુજરાતમાં તેઓ રાજકોટ, પાલનપુર, ભાવનગર એમ વિવિધ સ્થળોએ બેન્કમાં નોકરી કરી ચૂક્યા છે. ટ્રમ્પ ઉપરાંત પણ તેમણે અમેરિકાના રાજકારણ ઉપર પણ પુસ્તકો લખ્યા છે.
બાબા વાંગેએ પણ પહેલાં કરી હતી આગાહી
બાબા વાંગાની આગાહી જગતમાં ચર્ચા સ્પદ બનતી હોય છે. તેઓએ આગાહી કરી હતી કે જે કોઈ અમેરિકાના 44મા પ્રમુખ બનશે એ છેલ્લા પ્રેસિડન્ટ હશે. એ પછી પ્રેસિડન્ટ નહીં હોય તો શું થશે તેનો જવાબ નથી.