આજે આપણે એવી ભારતીય ફિલ્મો વિશે વાત કરીશું, જે ભારત-પાકિસ્તાનના ભાગલા પર બની છે. આ ફિલ્મો લોકોને પસંદ પણ ખૂબ આવી હતી
ભારત પાકિસ્તાનના ભાગલા પર બની છે આ ફિલ્મો
દેશવાસીઓના દિલને સ્પર્શી ગઈ હતી સ્ટોરી
આ ફિલ્મો જોયા બાદ તમે પણ જરૂર થયા હશો ભાવુક
ભારત-પાકિસ્તાનના ભાગલા એટલે કે આપણા દેશના ભાગલા એ તમામ દેશવાસીઓ માટે હૃદયને સ્પર્શી જાય તેવો વિષય છે. ભારતીય ફિલ્મ નિર્માતાઓએ પણ આ વિષયમાં ઘણો રસ દર્શાવ્યો છે. બોલીવુડમાં પણ આવી ઘણી ફિલ્મો બની છે જેની વાર્તા ભારત અને પાકિસ્તાનના ભાગલા પર આધારિત છે. આ ફિલ્મોએ બોક્સ ઓફિસ પર પણ સારો દેખાવ કર્યો છે. તો ચાલો એક નજર કરીએ ભારત-પાકિસ્તાનના ભાગલા પર બનેલી કેટલીક ફિલ્મો પર.
ગરમ હવા
ગરમ હવા ફિલ્મ એક ભારતીય ક્લાસિક ફિલ્મ છે. જેના ડાયરેક્ટર એમએસ સથ્યુ હતા જ્યારે કૈફી આઝમી અને શમા ઝૈદી આ ફિલ્મના લેખક હતા. 'ગરમ હવા' એક મુસ્લિમ પરિવારના સંઘર્ષની વાર્તા કહે છે, જેઓ ભાગલા પછી ભારતમાં પાછા રહેવાનો નિર્ણય કરે છે. આ ફિલ્મમાં બલરાજ સાહની, ગીતા સિદ્ધાર્થ અને ફારૂક શેખ મુખ્ય ભૂમિકામાં હતા.
'ગરમ હવા' ભાગલા પર બનેલી અત્યાર સુધીની શ્રેષ્ઠ ફિલ્મોમાંની એક છે. ફિલ્મના કલાકારોએ જે સંવેદનશીલતા અને સચોટતા સાથે તેમના પાત્રો ભજવ્યા છે તે પ્રશંસનીય છે.
1947 અર્થ
નિર્માતા દીપા મહેતાની ફિલ્મ "1947 અર્થ"માં નંદિતા દાસ, આમિર ખાન અને રાહુલ ખન્ના મુખ્ય ભૂમિકામાં હતા. આ ફિલ્મ એક 9 વર્ષની પારસી છોકરીના પોઈન્ટ ઓફ વ્યૂથી લખાયેલી વાર્તા છે જેની આયા એક હિંદુ મહિલા છે. આ આયાનું નામ શાંતા (નંદિતા દાસ) છે. આ ફિલ્મમાં બતાવવામાં આવેલ લવ ટ્રાયેન્ગલ ભાગલાના સમયથી શરૂ થાય છે.
ટ્રેન ટૂ પાકિસ્તાન
ટ્રેન ટૂ પાકિસ્તાન ફિલ્મ ખુશવંત સિંહની નવલકથા 'ટ્રેન ટૂ પાકિસ્તાન' પર આધારિત છે. આરવી પંડિત રવિ ગુપ્તા અને બોબી બેદી ફિલ્મના નિર્માતા છે. આ ફિલ્મમાં બતાવવામાં આવ્યું છે કે ભાગલાના તણાવ વચ્ચે પાકિસ્તાનથી એક ટ્રેન પંજાબના એક શાંતિપૂર્ણ ગામમાં પહોંચે છે, જેના કારણે અહીં પણ અશાંતિ ફેલાય છે. પામેલા રોક્સ દ્વારા નિર્દેશિત આ ફિલ્મમાં નિર્મલ પાંડે, રજિત કપૂર, મોહન અગાશે, સ્મૃતિ મિશ્રા, મંગલ ધિલ્લોન અને દિવ્યા દત્તા જેવા કલાકારો છે.
ગદરઃ એક પ્રેમ કથા
અનિલ શર્મા દ્વારા દિગ્દર્શિત અને સની દેઓલ અને અમિષા પટેલ અભિનીત, આ ફિલ્મ એક શીખ ટ્રક ડ્રાઈવરની છે જે ભાગલા સમયે એક અમીર મુસ્લિમ છોકરી સાથે પ્રેમમાં પડે છે. જે તેના પરિવારથી અલગ થઈ જાય છે. અને ટ્રક ડ્રાઈવર તે મુસ્લિમ છોકરીને સપોર્ટ કરે છે. લોકોને આ ફિલ્મ ખૂબ જ પસંદ આવી હતી.
પિંજર
પિંજર ફિલ્મ એક હિંદુ મહિલાની વાર્તા વર્ણવે છે જેનું અપહરણ થાય છે. અપહરણ કરનાર વ્યક્તિ મુસ્લિમ છોકરો છે અને આ મહિલાનું અપહરણ થયું કારણ કે બંને પરિવારો વચ્ચે દુશ્મનાવટ ચાલી રહી છે. આ ફિલ્મનું નિર્દેશન ચંદ્રપ્રકાશ દ્વિવેદીએ કર્યું હતું અને તેમાં ઉર્મિલા માતોંડકર અને મનોજ બાજપેયી મુખ્ય ભૂમિકામાં હતા. 1947ના વિભાજનની હિંસાનો સૌથી મોટો ભોગ મહિલાઓ બની હતી અને આ ફિલ્મમાં એક નાજુક વિષયને અત્યંત સંવેદનશીલતા સાથે રજૂ કરવામાં આવ્યો છે.
મિડનાઈટ ચિલ્ડ્રન
મિડનાઈટ ચિલ્ડ્રન ફિલ્મ સલમાન રૂશ્દીની નવલકથા પર આધારિત છે, આ ફિલ્મની વાર્તા એવી છે કે જે દિવસે ભારતને આઝાદી મળી, તે જ દિવસે જન્મેલા બે બાળકોની હોસ્પિટલમાં બદલી કરવામાં આવે છે. દીપા મહેતા દ્વારા નિર્દેશિત આ ફિલ્મમાં સત્ય ભાભા લીડ રોલમાં છે. સલમાન રૂશ્દીની એવોર્ડ વિનિંગ નોવેલ આ ફિલ્મને દર્શકોનો ઘણો પ્રેમ મળ્યો.