સુપ્રીમ કોર્ટે જમ્મૂ-કાશ્મીરમાં ઇન્ટરનેટ પર પ્રતિબંધ અને અન્ય પ્રતિબંધ મામલે સુનાવણી દરમિયાન કહ્યું છે કે કોઇ કારણ વગર ઇન્ટરનેટ પર રોક લગાવામાં આવી શકાય નહીં. ઇન્ટરનેટ પર પ્રતિબંધ અને લાંબા સમય સુધી ધારા-144 લાગુ કરવાને લઇને સુપ્રીમ કોર્ટ કેન્દ્રની મોદી સરકાર પર નારાજ જોવા મળ્યું છે.
જમ્મૂ-કશ્મીરમાં પ્રતિબંધની સ્થિતિ પર SC નારાજ
7 દિવસમાં સરકાર પોતાના આદેશો પર ફેરવિચાર કરે
કલમ 144 લગાવતા સમયે પણ વિચાર જરૂરી
જમ્મૂ-કશ્મીરમાં ઈન્ટરનેટ પર પ્રતિબંધ અને લાંબા સમયથી કલમ 144 લાગૂ કરવા મામલે સુપ્રીમ કોર્ટે કેન્દ્રની મોદી સરકાર પર સખત ટિપ્પણી કરી છે. સુપ્રીમ કોર્ટે જમ્મૂ-કશ્મીરમાં ઈન્ટરનેટ પર પ્રતિબંધ અને અન્ય પ્રકારના પ્રતિબંધ મામલે સુનાવણી દરમિયાન કહ્યું કે કોઈ કારણ વગર ઈન્ટરનેટ પર પ્રતિબંધ લગાવી ન શકાય.
સુપ્રીમ કોર્ટે કહ્યું કે લાંબા સમય સુધી ઈન્ટરનેટ પર પ્રતિબંધ યોગ્ય નથી. ઈન્ટરનેટ લોકોની અભિવ્યક્તિનો અધિકાર છે અને તે આર્ટિક 19 હેઠળ આવે છે. આ ઉપરાંત કોર્ટે કલમ 144 મામલે પણ ઝાટકણી કાઢી.. આ સાથે જ 7 દિવસમાં તમામ આદેશોમાં ફેરવિચાર કરીને રિવ્યુ કરવા માટે આદેશ આપ્યો છે.
સુપ્રીમ કોર્ટે જમ્મૂ-કાશ્મીરમાં લાગેલ પ્રતિબંધ વિરુધ્ધ કરવામાં આવેલી અરજીઓ પર સુનાવણી કરી હતી. કોંગ્રેસ નેતા ગુલામ નબી આઝાદે પણ આ મામલે અરજી દાખલ કરી હતી. સુપ્રીમે જણાવ્યું કે ઇન્ટરનેટ પર પ્રતિબંધ એવી સ્થિતિમાં લગાવામાં આવે કે જ્યારે એવું કરવુ અનિવાર્ય હોય. સુપ્રીમે કહ્યું કે ઇન્ટરનેટ પર અનિશ્ચિત સમય સુધી પ્રતિબંધ લગાવી શકાય નહીં.
સુપ્રીમ કોર્ટના આદેશની 10 મોટી વાત
લોકોને અસંમતિ વ્યક્ત કરવાનો પૂરો અધિકાર છે
સરકારે એક અઠવાડિયામાં તેના તમામ આદેશની સમીક્ષા કરવી જોઈએ
સરકાર કાશ્મીરમાં તેના બિનજરૂરી આદેશો પાછા ખેંચે
પ્રતિબંધ સંબંધિત તમામ આદેશો સરકાર દ્વારા જાહેર કરવા જોઈએ
સરકારી ઓર્ડરની સમયાંતરે સમીક્ષા થવી જોઈએ
કોઈપણ કારણોસર ઇન્ટરનેટ પર પ્રતિબંધ મૂકી શકાતો નથી
ઇન્ટરનેટ પ્રતિબંધ પર વિચાર કરવો જોઇએ
ઇન્ટરનેટ પર સંપૂર્ણ પ્રતિબંધ, જો જરૂરી હોય તો કડક પગલાં લેવા જોઈએ
બધી આવશ્યક સેવાઓમાં ઇન્ટરનેટને પુનર્સ્થાપિત કરવું
તબીબી જેવી તમામ આવશ્યક સેવાઓમાં કોઈ અવરોધ ન હોવો જોઈએ