ફાઈબરથી બનેલા કંપોઝિટ સિલિન્ડરમાં વધારેમાં વધારે 10 કિલો ગેસ આવશે. સિલિન્ડરનો કેટલોક ભાગ પારદર્શી હશે જેનાથી તમે કેટલો ગેસ બચ્યો છે તે પણ જોઈ શકશો.
હવે ઘરે લઈ આવો સ્ટાઈલિશ ગેસ સિલિન્ડર
વજનમાં હશે હલકા અને ઉપયોગમાં રહેશે સુરક્ષિત
સિલિન્ડરમાં જોઈ શકાશે કે કેટલો ગેસ બચ્યો છે
હવે વજનમાં હલકા અને રંગીન એલપીજી ગેસ સિલિન્ડર તમારી રસોઈમાં આવશે. ઈન્ડિયન ઓઈલે ફાઈબરથી બનેલા કમ્પોઝિટ 5 કિલો અને 10 કિલોના રસોઈ ગેસ સિલિન્ડર લોન્ચ કર્યા છે. આ સિલિન્ડર સુરક્ષિત હોવાની સાથે સાથે હલકા પણ છે. મજબૂત લોખંડથી બનેલા સિલિન્ડરમાં 14.2 કિલો ગેસ હોય છે. 5 કિલોના નાના ગેસ સિલિન્ડર પહેલાથઈ મળી રહ્યા છે. પરંતુ ફાઈબરથી બનેલા કમ્પોઝિટ સિલિન્ડર પહેલી વાર લોકોની રસોઈ સુધી પહોંચશે.
શું છે આ સિલિન્ડરની ખાસિયત
વજનમાં હલકા અને રંગીન એલપીજી ગેસ સિલિન્ડર તમને જૂના બાટલાથી રાહત આપશે. આ સાતે તે જૂના સિલિન્ડરી સરખામણીએ ફાઈબરથી બન્યા હોવાના કારણે 50 ટકા હલકા રહેશે. આ સાથે તેની ખાસ ડિઝાઈન તેને આકર્ષક પણ બનાવશે. આ સિલિન્ડરમાં કાટ લાગવાની સમસ્યા પણ રહેશે નહીં.
ક્યાં મળી રહ્યા છે સિલિન્ડર
હાલમાં તો આ સિલિન્ડર ફક્ત દિલ્હી અને હૈદરાબાદમાં મળી રહ્યા છે. તમે આ સિલિન્ડર મેળવવા ઈચ્છો છો તો તમે નજીકના ઈન્ડેન વિતરકનો સંપર્ક કરી શકો છો અને તેને માટેની જાણકારી લઈ શકો છો.
સિલિન્ડરમાં જોઈ શકાશે કે કેટલો ગેસ બચ્યો છે
ફાઈબરથી બનેલા કંપોઝિટ સિલિન્ડરમાં વધારેમાં વધારે 10 કિલો ગેસ આવશે. સિલિન્ડરનો કેટલોક ભાગ પારદર્શી હશે જેનાથી તમે કેટલો ગેસ બચ્યો છે તે પણ જોઈ શકશો. સાથે જ ગેસ સિલિન્ડરની ખરીદી સમયે પણ ગેસ પૂરો છે કે નહીં તે તપાસી શકશો. કંપોઝિટ ગેસ સિલિન્ડર 5 અને 10 કિલોના વજનમાં મળશે. જો તમે ઘરમાં વધારે ગેસ સિલિન્ડરનો ઉપયોગ કરી રહ્યા નથી તો તમે 10 કિલોના કે પછી 5 કિલોના ગેસ સિલિન્ડરને ખરીદી શકો છો.