ભારતે વાનખેડે સ્ટેડિયમ મુંબઇમાં રમાયેલ ટી-20 મેચમાં વેસ્ટઇન્ડીઝને 67 રને હરાવ્યું છે. ભારતે પહેલા બેટિંગ કરતા 20.0 ઓવરમાં 3 વિકેટના નુકસાને 240 રન બનાવ્યા હતા. જવાબમાં 241 રનના લક્ષ્યાંકનો પીછો કરતા વેસ્ટ ઇન્ડીઝને ટીમે 20.0 ઓવરમાં 8 વિકેટના નુકસાને 173 રન બનાવ્યા. વેસ્ટ ઇન્ડીઝ માટે કીરોન પોલાર્ડે સૌથી વધુ 68 રન બનાવ્યા.
મુંબઇમાં ભારતે વેસ્ટ ઇન્ડીઝને 67 રનથી હરાવ્યું
ભારતે 2-1થી જીતી ત્રણ મેચોની ટી-20 સીરીઝ
ભારતે વેસ્ટ ઇન્ડીઝને મુંબઇમાં રમાયેલ છેલ્લી ટી-20 મેચમાં 67 રનથી હરાવીને ત્રણ મેચની ટી-20 સીરીઝ 2-1થી પોતાના નામે કરી લીધી છે. આ જીત સાથે ટીમ ઇન્ડિયાન કેપ્ટન વિરાટ કોહલીએ પોતાની પત્ની અનુષ્કા શર્માને મેરેજ એનિવર્સરીની ગિફ્ટ આપી દીધી. વિરાટ કોહલી અને તેમની પત્ની બૉલીવુડ એક્ટ્રેસ અનુષ્કા શર્માએ બુધવાર 11 ડિસેમ્બરે પોતાની બીજી મેરેજ એનિવર્સરી મનાવી.
આ જીત સાથે જ ભારતે વેસ્ટઇન્ડીઝ વિરૂદ્ધ સતત ત્રીજી સીરીઝ પોતાના નામે કરી. તેને ગત વખત 2017માં હાર મળી હતી. ત્યારબાદ ભારતે વેસ્ટ ઇન્ડીઝને 2018માં 3-0 અને એજ વર્ષે ઓગસ્ટમાં 3-0થી હરાવ્યા હતા. ભારતે વેસ્ટ ઇન્ડીઝ વિરૂદ્દ રન પ્રમાણે બીજી મોટી જીત મેળવી. 2018માં લખનૌમાં 71 રનથી હરાવી ચૂક્યા છે.
વેસ્ટ ઇન્ડીઝે ભારતને પ્રથમ બેટિંગ આપી હતી
ટોસ જીત્યા બાદ વેસ્ટ ઇન્ડીઝના કેપ્ટન કિરોન પોલાર્ડે બોલિંગ કરવાનો નિર્ણય લીધો હતો. ભારતને પહેલા બેટિંગ આપી હતી. ટીમ ઈન્ડિયામાં બે ફેરફાર કરવામાં આવ્યા હતા. યુજવેન્દ્ર ચહલ અને રવિન્દ્ર જાડેજાની જગ્યાએ કુલદીપ યાદવ અને મોહમ્મદ શમીનો સમાવેશ કરવામાં આવ્યો હતો. વેસ્ટ ઇન્ડીઝની ટીમમાં કોઈ ફેરફાર કરવામાં આવ્યો ન હતો.