ચોથી T20માં ભારતે પહેલા બેટિંગ કરતા વેસ્ટ ઈન્ડિઝને 192 રનનો ટાર્ગેટ આપ્યો હતો, જેમાં રોહિત શર્માએ 16 બોલમાં 33 રન બનાવ્યા હતા.
કેપ્ટન રોહિત શર્માએ 33 રનની ધમાકેદાર ઇનિંગ રમી હતી
રોહિત શર્માએ પાકિસ્તાનનાના પૂર્વ કેપ્ટન શાહિદ અફરીદીનો રેકોર્ડ તોડી નાખ્યો
હવે રોહિત પાસે ક્રિસને પાછળ છોડવાનો મોકો છે
ભારત અને વેસ્ટઇન્ડીઝ વચ્ચે પાંચ મેચની ટી20 સિરિજનો ચોથો મેચ ગઇકાલે રમાઈ ગયો , જેમાં વેસ્ટઇન્ડીઝના કેપ્ટન નિકોલસ પુરને ટોસ જીતીને પહેલા બોલિંગ કારવનો નિર્ણય કર્યો હતો. પહેલા જ બેટિંગ માટે ઊતરેલ કેપ્ટન રોહિત શર્માએ 33 રનની ધમાકેદાર ઇનિંગ રમી હતી. એમને તેમની ઇનિંગમાં 16 બોલમાં જ બે ચોગ્ગા અને ત્રણ છગ્ગા લગાવ્યા હતા.
Innings Break!
A solid batting display from #TeamIndia to post 191/5 on the board. 💪 💪
રોહિતે શાહિદ અફરીદીનો રેકોર્ડ તોડ્યો
રોહિતે આ સાથે જ ઇન્ટરનેશનલ ક્રિકેટમાં એક મોટી સિધ્ધી મેળવી લીધી છે. રોહિત ઇન્ટરનેશનલ ક્રિકેટમાં સૌથી વધુ છગ્ગા લગાવનાર દુનિયાના બીજા ખેલાડી બની ગયા છે. એમને એ લિસ્ટમાં શામેલ પાકિસ્તાનનાના પૂર્વ કેપ્ટન શાહિદ અફરીદીનો રેકોર્ડ તોડી નાખ્યો છે. રોહિતે ઇન્ટરનેશનલ ક્રિકેટમાં કુલ 477 છગ્ગા માર્યા છે જ્યારે શાહિદ અફરીદી એ 476 છગ્ગા માર્યા હતા.
રોહિત પાસે ક્રિસ ગેલથી આગળ નીકળવાનો મોકો
ઇન્ટરનેશનલ ક્રિકેટમાં સૌથી વધુ છગ્ગા મારવાનો રેકોર્ડ વેસ્ટઇન્ડીઝના ઓપનર ક્રિસ ગેલના નામે છે. એમને અત્યાર સુધી કુલ 553 છગ્ગા માર્યા છે. હવે રોહિત પાસે ક્રિસને પાછળ છોડવાનો મોકો છે. ગેલ હાલ ઇન્ટરનેશનલ ક્રિકેટ નથી રમી રહ્યા અને તેની સામે રોહિત હજુ પણ ઇન્ટરનેશનલ ક્રિકેટમાં ભાગ લઈ રહ્યા છે. એવામાં રોહિત જલ્દી જ ગેલથી આગળ નીકળી શકે છે.
તમને જણાવી દઈએ કે ચોથી T20માં ભારતે પહેલા બેટિંગ કરતા વેસ્ટ ઈન્ડિઝને 192 રનનો ટાર્ગેટ આપ્યો હતો, જેમાં રિષભ પંતે વિસ્ફોટક ઈનિંગ રમી હતી. પંતે 31 બોલમાં 44 રન બનાવ્યા હતા. સામે કેપ્ટન રોહિત શર્માએ 16 બોલમાં 33 અને સંજુ સેમસને 23 બોલમાં 30 રન બનાવ્યા હતા. વેસ્ટઇન્ડીઝ 19.1 ઓવરમાં 132 રન બનાવીને ઓલઆઉટ થઇ ગઈ હતી અને ભારતે એ મેચ 59 રનથી જીતી લીધી હતી.