માન્ચેસ્ટરના ઓલ્ડ ટ્રેફર્ડ મેદાનમાં આજે ટીમ ઇન્ડિયા અને વેસ્ટઇન્ડીઝ વચ્ચે મેચ યોજાઇ. વર્લ્ડ કપ ટૂર્નામેન્ટમાં ભારતે હજુ સુધી એક પણ મેચ હારી નથી. આ વલણને તે વેસ્ટ ઇન્ડીઝ સામે પણ જાળવી રાખ્યું છે. ભારતે વેસ્ટ ઇન્ડીઝને 125 રને પરાજય આપ્યો હતો. વેસ્ટ ઇન્ડીઝની ટીમ 143 રન બનાવી ઓલ આઉટ થઇ હતી. ભારતના ફાસ્ટ બોલર બુમરાહે 2 વિકેટ ફટાફટ લઇને વેસ્ટ ઇન્ડિઝના ખેલાડીઓને પવેલિયન ભેગા કર્યા હતા તો રસપ્રદ વાત એ પણ રહી કે બુમરાહની 2 ઓવરમાં એકપણ રન વેસ્ટ ઇન્ડિઝના ખેલાડીઓ કરી શક્યા નહોતા.
ઉલ્લેખનીય છે કે, ટોસ જીતીને પહેલા બેટિંગ કરવા ઉતરતા ભારતીય ટીમની શરૂઆત કેએલ રાહુલ અને રોહિત શર્માની જોડીએ કરી. ભારત અને વેસ્ટઇન્ડીઝની ટીમ 1979થી લઇને 2019 સુધીમાં 9 વાર સામ-સામે આવી ચૂકી છે. જેમાં 6 ભારતે અને 3 મેચમાં વેસ્ટ ઇન્ડીઝે જીત મેળવી છે.
ટીમ ઇન્ડિયાના કેપ્ટન વિરાટ કોહલીએ વેસ્ટઇન્ડીઝ વિરુદ્ધ 37 રન બનાવાની સાથે જ બે દિગ્ગજને પાછળ છોડયા છે. વિરાટ કોહલીએ સૌથી ઝડપી 20000 રન (વનડે, ટેસ્ટ, ટી-20) પૂર્ણ કરવાનો રેકોર્ડ બનાવ્યો છે. આ સાથે સચિન તેન્ડુલકર, અને બ્રાયન લારાનો રેકોર્ડ તોડ્યો. ટીમ ઇન્ડિયાના કેપ્ટન વિરાટ કોહલીએ વેસ્ટઇન્ડીઝ સામે 82 બોલમાં 72 રન બનાવ્યા. આ દરમિયાન ભારતનો સ્કોર 38 ઓવરમાં 5 વિકેટના નુકશાને 180 થયો હતો. ભારત અને વેસ્ટઇન્ડીઝની ટીમ 1979થી લઇને અત્યાર સુધીમાં 8 વાર સામ-સામે આવી ચૂકી છે. જેમા 5 ભારત અને 3 મેચમાં વેસ્ટઇન્ડીઝે જીત મેળવી છે.