WC 2019 / આજે ભારત રમશે વેસ્ટ ઇન્ડિઝ વિરુદ્ઘ, જાણો અત્યાર સુધીના આંકડા છે કોની સાથે

વિરાટ કોહલીની કેપ્ટન્સનીમાં ટીમ ઇન્ડિયા આ વર્લ્ડ કપમાં શાનદાર ફોર્મમાં છે. ટીમ ઇન્ડિયાએ 5 મેચમાંથી 4 જીતી છે અને વરસાદને કારણે રદ્દ થઇ હતી. આ સાથે જ ટીમ ઇન્ડિયા પૉઇન્ટ ટેબલ પર 9 પૉઇન્ટની સાથે ત્રીજા સ્થાન પર છે. જ્યારે વેસ્ટ ઇન્ડિઝે 6 મેચમાં 1 જીતની સાથે 3 પૉઇન્ટની સાથે આઠમા સ્થાન પર છે.

કેરેબિયાઇ ટીમ ન્યૂઝીલેન્ડ વિરુદ્ઘ પોતાની છેલ્લી મેચ હારીને સેમિફાઇનલની બહાર થઇ ચુકી છે. હવે આ મેચ વેસ્ટ ઇન્ડિઝ માટે માત્ર સન્માન બચાવવા માટેની રહેશે. ટીમ ઇન્ડિયા અને વેસ્ટ ઇન્ડિઝનો વર્લ્ડ કપનો સંબંધ જૂનો છે, કેમકે ટીમ ઇન્ડિયાએ જ્યારે પહેલી વખત 1983માં વર્લ્ડ કપ જીત્યો ત્યારે કપિલ દેવની કેપ્ટન્સીમાં ભારતીય ટીમે વેસ્ટ ઇન્ડિઝને જ હરાવી હતી. જોકે આ બંને ટીમોની વચ્ચેના વર્લ્ડ કપ રેકોર્ડની વાત કરવામાં આવે તો ભારત હંમેશા આગળ છે.

વર્લ્ડ કપમાં ટીમ ઇન્ડિયા અને વેસ્ટ ઇન્ડિઝના આંકડા:

- 1979 વર્લ્ડ કપ: વેસ્ટ ઇન્ડિઝે 9 વિકેટથી જીતી

-  1983 વર્લ્ડ કપ: ભારતે 34 રનથી જીતી મેચ

-  1983 વર્લ્ડ કપ: વેસ્ટ ઇન્ડિઝે 66 રનથી માત આપી

-  1983 વર્લ્ડ કપ: ભારતે 46 રનથી જીતી મેચ

-  1992 વર્લ્ડ કપ: વેસ્ટ ઇન્ડિઝે 5 વિકેટથી જીતી (D/L)

- 1996 વર્લ્ડ કપ: ભારતે 5 વિકેટથી જીતી મેચ

- 2011 વર્લ્ડ કપ: ભારતે 80 રનથી જીતી મેચ

- 2015 વર્લ્ડ કપ: ભારતે 4 વિકેટથી જીતી મેચ 

બંને ટીમનો ઑવરઑલ વનડે રેકોર્ડ:

- ભારત અને વેસ્ટ ઇન્ડિઝની ટીમ 1979થી અત્યાર સુધી 126 વખત આમનેસામને રમી ચૂકી છે. જેમાં 59 વખત ટીમ ઇન્ડિયા જીતી તો 62 વખત તેણે હારનો સામનો કરવો પડ્યો. કુલ જોઇએ તો ,આ બંને ટીમ બરાબર જ છે, પરંતુ વર્લ્ડ કપમાં ટીમ ઇન્ડિયાની પલડુ ભારી રહ્યુ છે. એવામાં જો ફરી એક વખત ટીમ ઇન્ડિયા જીતી જાય તો ક્રિકેટ ફેન્સ માટે કોઇ નવાઇની વાત નહી.