ઈંગ્લેન્ડમાં વન-ડે સીરીઝ પૂર્ણ થયા બાદ ભારતીય ટીમ પ્રાઈવેટ ફ્લાઈટ પકડીને પોર્ટ ઑફ સ્પેન પહોંચી છે. વેસ્ટ ઈન્ડીઝમાં ભારતને ત્રણ વન-ડે અને પાંચ ટી-20 મેચ રમવાની છે.
ભારતીય ટીમ પ્રાઈવેટ ફ્લાઈટ પકડીને પોર્ટ ઑફ સ્પેન પહોંચી
ટીકિટ ના મળી તો BCCIએ ખેલાડીઓ માટે ખાનગી પ્લેન બુક કરાવ્યું
શિખર ધવન એન્ડ કંપની 22 જુલાઈથી વિન્ડીઝ સામે પહેલી વન-ડેમાં ઉતરશે
ટિકિટ ના મળી તો BCCIએ 3.5 કરોડ રૂપિયા ખર્ચી નાખ્યાં
ભારતીય ટીમ ત્રણ મેચની વન-ડે અને પાંચ મેચની ટી-20 શ્રેણી રમવા માટે વેસ્ટ ઈન્ડીઝ પહોંચી ગઇ છે. શિખર ધવન એન્ડ કંપની 22 જુલાઈથી વિન્ડીઝ સામે પહેલી વન-ડેમાં ઉતરશે. આ દરમ્યાન એવા અહેવાલો આવી રહ્યાં છે કે ભારતીય ટીમ ઈંગ્લેન્ડમાંથી પોર્ટ ઑફ સ્પેન પહોંચવા માટે બીસીસીઆઈએ ખાનગી ફ્લાઈટની વ્યવસ્થા કરી. જેના ચક્કરમાં કુલ 3.5 કરોડ રૂપિયા ખર્ચ થયા. બીસીસીઆઈએ આટલો ખર્ચ કોરોનાકાળમાં કડક નિયમોને પગલે કર્યો નથી. મીડિયાના એક અહેવાલ મુજબ ખાનગી પ્લેનની વ્યવસ્થા એટલા માટે કરવામાં આવી કારણકે માનચેસ્ટરમાંથી પોર્ટ ઑફ સ્પેન માટે આટલી મોટી સંખ્યામાં કોમર્શિયલ ફ્લાઈટમાં ટિકિટ બુક કરવી શક્ય ન હતુ.
ક્રિકેટ ટીમના અન્ય સભ્યોની ટિકિટની વ્યવસ્થા BCCI જ કરે છે
ભારતીય ટીમમાં 16 ક્રિકેટરો સિવાય મુખ્ય કોચ રાહુલ દ્રવિડ અને અન્ય કોચિંગ સ્ટાફનો સમાવેશ થાય છે. આ ઉપરાંત બધા ક્રિકેટરોની પત્ની અને અન્ય સભ્યોની ટીકિટની વ્યવસ્થા પણ સામાન્ય રીતે બીસીસીઆઈ જ કરાવે છે.
BCCI એ આખુ પ્લેન બુક કરાવી દીધુ
અધિકારીએ કહ્યું, મેનચેસ્ટર પરથી પોર્ટ ઑફ સ્પેન માટે એક ફ્લાઈટ ટીકિટ સામાન્ય રીતે બે લાખ રૂપિયાની આવે છે. જે હિસાબે બીસીસીઆઈનો ખર્ચ આશરે બે કરોડ આવવો લગભગ નક્કી હતો. આટલી મોટી સંખ્યામાં કોમર્શિયલ ફ્લાઈટમાં ટીકિટ તૈયાર ના હોવાને કારણે બીસીસીઆઈએ આખુ પ્લેન બુક કરાવી દીધુ. ચાર્ટડ પ્લેન વધારે મોંઘુ છે, પરંતુ એટલું જ નહીં, એક તર્કસંગત વિકલ્પ તૈયાર હતો. મોટાભાગની ફૂટબોલ ટીમ પણ પોતાના ખાનગી પ્લેનથી જ પ્રવાસ કરે છે.