IPLIN
 

વખાણ / બીજી ટ્વેન્ટી-ટ્વેન્ટી જીતીને ભારતે રચ્યો ઇતિહાસ, કેપ્ટન રોહિતે વિરાટ કોહલી માટે શું કહ્યું જુઓ

Team VTV 11:35 AM, 19 Feb 22
Follow us
ind vs wi 2nd t20 it was very important innings from virat

ભારતીય ટીમે બીજી ટી-20 આંતરરાષ્ટ્રીય મેચમાં વેસ્ટ ઈન્ડીઝને 8 રનથી હરાવીને ત્રણ મેચોની સીરીઝમાં 2-0થી જીત પ્રાપ્ત કરી છે. ભારતીય ટીમે શુક્રવારે ઈડન ગાર્ડન્સ સ્ટેડિયમમાં રમાયેલી મેચમાં પ્રથમ બેટિંગ કરી વિરાટ કોહલી અને રિષભ પંતની અર્ધસદીની મદદથી 5 વિકેટના નુકસાને 186 રનનો સ્કોર બનાવ્યો અને પછી વેસ્ટ ઈન્ડીઝને 20 ઓવરમાં 3 વિકેટના નુકસાને 178 રન આપ્યાં.

  • ભારતે બીજી ટી-20 મેચમાં વેસ્ટ ઈન્ડીઝને 8 રનથી હરાવી
  • ભારતીય ટીમે ત્રણ મેચોની શ્રેણીમાં 2-0થી જીત મેળવી
  • કેપ્ટન રોહિતે કહ્યું, વિરાટની શરૂઆત ખૂબ જ પ્રશંસનીય

રોહિતે વિરાટની આક્રમક બેટીંગના ભરપૂર વખાણ કર્યા

ટી-20 આંતરરાષ્ટ્રીય ક્રિકેટમાં ભારતની આ 100મી જીત છે. જીત બાદ કેપ્ટન રોહિતે વિરાટની આક્રમક બેટીંગ માટે તેના ખૂબ વખાણ કર્યા. તેમણે કહ્યું કે વેસ્ટ ઈન્ડીઝ સામે બીજી ટી-20 મેચમાં વિરાટની ઈનિંગ ટીમ માટે ખૂબ મહત્વની હતી. રોહિતે કહ્યું, જે રીતે વિરાટ કોહલીએ શરૂઆત કરી. જેના કારણે મારી પર દબાણ હાવી ના થયુ. અમે પહેલી બે ઓવરમાં સારી શરૂઆત ના કરી. પછી કોહલી ક્રીજ પર આવ્યાં અને એવા શોટ ફટકારવા લાગ્યા જે ખરેખર સુંદર હતા. વેસ્ટ ઈન્ડીઝ સામે જ્યારે રમીએ છીએ ત્યારે અમને ડર લાગે છે. અમે જાણતા હતા કે તેમના માટે ચેન્જ કરવુ થોડુ મુશ્કેલ હશે. અમે લોકો સંપૂર્ણ તૈયારીમાં હતા અને દબાણમાં અમે સારું કર્યુ. 

કોહલીએ 41 બોલમાં 52 રન બનાવ્યાં

કોહલીએ 41 બોલનો સામનો કરી સાત ચોગ્ગા અને એક છગ્ગાની મદદથી 52 રન બનાવ્યાં. જ્યારે પંતે ફક્ત 28 બોલમાં સાત ચોગ્ગા અને એક છગ્ગાની મદદથી 52 રનની ઈનિંગ રમી. આ સિવાય વેન્કટેશ ઐયરે પણ 33 રનનું મહત્વનું યોગદાન આપ્યું. છઠ્ઠા ક્રમે બેટિંગ કરવા ઉતરેલા ઐયરે ફક્ત 18 બોલમાં ચાર ચોગ્ગા અને એક છગ્ગાની મદદથી 33 રનની ઈનિંગ રમી. 

 

Ind Vs Wi T20 Series Virat Kohli Rohit Sharma Captaincy Rohit Sharma
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ