અંતિમ વનડે / લંકાનો વ્હાઈટવોશ નક્કી! કોહલી-ગીલના ડબલ એટેકથી ભારતે ખડક્યો રનનો પહાડ, 390 કર્યાં

• શ્રીલંકા સામેની મેચમાં ટીમ ઈન્ડિયા એ ઘણી સારી બેટિંગ બતાવી
• ટીમ ઈન્ડિયા લંકાની ટીમને વ્હાઈટવોશ કરી શકે છે
• ટીમ ઈન્ડિયા હાલમાં 3 મેચની આ સીરિઝમાં 2-0થી આગળ છે

ભારત અને શ્રીલંકા વચ્ચેની ત્રણ મેચની ODI સીરિઝની ત્રીજી અને અંતિમ મેચ તિરુવનંતપુરમના ગ્રીનફિલ્ડ ઈન્ટરનેશનલ સ્ટેડિયમ ખાતે હાલ રમાઈ રહી છે. જણાવી દઈએ કે ટીમ ઈન્ડિયાના કેપ્ટન રોહિત શર્માએ ટોસ જીતીને પહેલા બેટિંગ કરવાનો નિર્ણય લીધો છે અને હાલ ટીમ ઈન્ડિયા એ ઘણી સારી બેટિંગ બતાવી છે. 

ત્રીજી વનડેમાં ભારતીય ટીમે ઘણા રન બનાવ્યા હતા. આ મેચમાં ટીમ ઈન્ડિયાએ શ્રીલંકાને જીતવા માટે 391 રનનો ટાર્ગેટ આપ્યો છે. કોહલીએ 166 રનની અણનમ ઇનિંગ રમી હતી. તે જ સમયે, શુભમન ગિલે પણ વિપક્ષી બોલરોને પછાડતા 116 રન બનાવ્યા હતા. પરિણામે ભારતીય ટીમે 50 ઓવરમાં પાંચ વિકેટે 390 રન બનાવ્યા હતા. ભારતીય બોલરોથી હવે ધમાકેદાર રમવાની અપેક્ષા છે.

Innings Break!

A stupendous knock of 166* from @imVkohli & a fine 116 by @ShubmanGill guides #TeamIndia to a formidable total of 390/5.

Scorecard - https://t.co/muZgJH3f0i #INDvSL @mastercardindia pic.twitter.com/aGHQU7PQVw

— BCCI (@BCCI) January 15, 2023

કેપ્ટન રોહિત શર્માના નેતૃત્વમાં ટીમ ઈન્ડિયા આ સીરિઝમાં ક્લીન સ્વીપ કરવા માટે ઊતરેલ ટીમ ઈન્ડિયા હાલમાં 3 મેચની આ શ્રેણીમાં 2-0થી આગળ છે અને આ મેચમાં પણ 390 જેટલો મોટો સ્કોર બનાવીને લંકાની ટીમને વ્હાઈટવોશ કરી શકે છે. 

કિંગ કોહલીએ ફટકારી સદી 
વિરાટ કોહલી ફરી એકવાર પોતાના જૂના રંગમાં દેખાવા લાગ્યો છે અને સતત પોતાના બેટથી સદી ફટકારી રહ્યો છે. કોહલીએ પોતાનું વિસ્ફોટક ફોર્મ જારી રાખતાં રવિવારે શ્રીલંકા સામેની ત્રીજી વન-ડેમાં સદી ફટકારી છે. 10 ચોગ્ગા અને એક છગ્ગા સાથે 85 બોલમાં સદી ફટકારતાં જ કોહલીની ઈન્ટરનેશનલ કરિયરમાં 46 સદી પૂરી થઈ છે. ભારતીય ઇનિંગ્સમાં વિરાટ કોહલી આકર્ષણનું કેન્દ્ર રહ્યો હતો. કોહલીએ 110 બોલમાં અણનમ 166 રન બનાવ્યા હતા. આ દરમિયાન તેણે 13 ફોર અને 8 સિક્સર ફટકારી હતી. શુભમન ગિલે પણ 116 રનની ઇનિંગ રમી હતી.

Virat Kohli was utterly glorious 🙌 🙌 as he creamed 1⃣6⃣6⃣* and was our top performer from the first innings of the third #INDvSL ODI 👏 👏

A summary of his stunning batting display 🔽 #TeamIndia pic.twitter.com/SWrC5Oanhg

— BCCI (@BCCI) January 15, 2023

આ બેટ્સમેન રહ્યા ફેલ 
ત્રીજી વનડેમાં સૂર્યકુમાર યાદવ કંઈ ખાસ કરી શક્યો નહતો અને તે ચાર રનના અંગત સ્કોર પર કસુન રાજિતાનો શિકાર બન્યો હતો. આ સાથે જ  કેએલ રાહુલ પણ 7 રનની ઇનિંગ રમી આઉટ થઈ ગયો હતો.  ભારતીય ટીમને ત્રીજો ફટકો ત્યારે પડ્યો જ્યારે શ્રેયસ અય્યર 38 રન બનાવીને આઉટ થયો હતો. આ સાથે જ ટીમ ઈન્ડીયાનો હિટ મેન કહેવાતો કેપ્ટન રોહિત શર્મા જોરદાર ટચમાં દેખાઈ રહ્યો હતો પણ તેને એ 42 રનના સ્કોર પર પોતાની વિકેટ ગુમાવી દીધી હતી. 

Shubman Gill departs after a brilliant knock of 116 of 97 deliveries.

Live - https://t.co/q4nA9Ff9Q2 #INDvSL @mastercardindia pic.twitter.com/R2DVFeZu4O

— BCCI (@BCCI) January 15, 2023

શુભમન ગિલે રમી ધમાકેદાર ઇનિંગ 
છેલ્લી ODIમાં પ્રથમ બેટિંગ કરવા ઉતરેલી ભારતીય ટીમ માટે શુભમન ગિલે કેપ્ટન રોહિત શર્મા સાથે ઓપનિંગમાં જબરદસ્ત ડેબ્યૂ કર્યું હતું. બંને વચ્ચે 96 રનની ભાગીદારી થઈ હતી એનએ પછી રોહિત શર્માની વિકેટે આ ભાગીદારી તોડી હતી. જોકે ગિલ સ્થિર રહ્યો. આ પછી ગિલે પૂર્વ કેપ્ટન વિરાટ કોહલી સાથે મળીને ઇનિંગને આગળ ધપાવી અને સાથે જ પોતાની સદી તરફ આગળ વધ્યો હતો.  ગિલની વનડે કારકિર્દીની આ બીજી સદી છે. ગિલે 89 બોલમાં 100 રન પૂરા કર્યા. તેણે પોતાની ઇનિંગમાં 13 ફોર અને 2 સિક્સર ફટકારી છે.  આ મેચમાં શુભમન ગિલ 116 રન બનાવીને પેવેલિયન પરત ફર્યો  હતો અને તેને કસુન રાજિતાએ બોલ્ડ કર્યો હતો. ગિલે પોતાની ઇનિંગમાં 14 ચોગ્ગા અને બે છગ્ગા ફટકાર્યા હતા.