સૂર્યકુમાર યાદવે વર્ષ 2023ની ધમાકેદાર શરૂઆત કરી છે. તેમણે શ્રીલંકાની સામે ત્રીજાં ટી20માં શતક ફટકારેલ છે.આ તેમનાં ટી20 ઈન્ટરનેશનલ કરિયરનું ત્રીજું શતક છે.
સૂર્યકુમાર યાદવનું શ્રીલંકાની સામે ધમાકેદાર પર્ફોર્મન્સ
ત્રીજા ટી20માં ફટકાર્યો શતક
કેપ્ટન પદ છીનવાયા બાદ સૂર્યાની ઉત્તમ વાપસી
સૂર્યકુમાર યાદવે ગયાં વર્ષથી ઈન્ટરનેશનલ ક્રિકેટમાં લગાતાર શતક ફટકારી રહ્યાં છે. 2022 પછી 2023માં પણ તેઓ ઉત્તમ પ્રદર્શન કરી રહ્યાં છે. સૂર્યાએ શ્રીલંકાની સામે ત્રીજી ટી20માં શનિવારે તાબડતોબ 112 રનોની મેચ રમી હતી. તેમણે 51 બોલનો સામનો કર્યો જેમાં 7 ચોગ્ગાં અને 9 છગ્ગાં ફટકાર્યાં હતાં. જવાબમાં શ્રીલંકાની ટીમે 137 રન બનાવી મેચ વાપસી કરી હતી. બીજી ટી20માં ખરાબ ગેંદબાજી કરનારા અર્શદીપસિંહની પણ ધમાકેદાર વાપસી થઇ અને તેમણે 3 વિકેટો લીધી. ભારતે આ મેચ 97 રનોથી જીતીને સીરીઝ પર 2-1થી કબ્જો કર્યો.
પ્લેયર ઓફ ધ મેચ 'સૂર્યા'
32 વર્ષનાં સૂર્યકુમારને પણ કરિયરનાં ખરાબ સમયમાંથી પસાર થવું પડ્યું હતું. તેમને રણજી ટ્રોફી દરમિયાન મુંબઈ ટીમનો કેપ્ટન બનાવવામાં આવ્યો હતો. પરંતુ ખરાબ પ્રદર્શનનાં કારણે 2014-15માં તેમની પાસેથી કેપ્ટનની કમાન છીનવાઈ ગઈ અને 2018-19 સીઝનથી પહેલાં જ ટીમથી બહાર કરી દીધું. જો કે ત્યારબાદ સારા પર્ફોર્મન્સનાં કારણે સૂર્યાની વાપસી થઈ અને ફરી કેપ્ટન બન્યાં. અને ગઈકાલની મેચમાં તેઓ મેન ઓફ ધ મેચ પણ બન્યાં.
ટેસ્ટમાં મોકો નથી મળ્યો
સૂર્યાકુમારે માર્ચ 2021માં ટી20 ઈન્ટરનેશનલમાં અને જૂલાઈ 2021માં વનડેમાં ડેબ્યૂ કરેલ હતો. પરંતુ તેમને અત્યાર સુધી ટેસ્ટમાં રમવાનો મોકો મળેલ નથી. તેમનો ફર્સ્ટ ક્લાસનો રેકોર્ડ સારો છે અને તેઓ ત્રણ વખત શતક પણ ફટકારી ચૂકેલ છે. સૂર્યાએ અત્યારસુધીમાં 79 ફર્સ્ટ ક્લાસ મેચની 132 ઈનિંગમાં 5549 રનો બનાવ્યાં છે. 14 શતક અને 28 અર્ધશતક ફટકાર્યાં છે. 200 રન તેમનો બેસ્ટ સ્કોર છે. એટલેકે તેઓ ટેસ્ટમાં પણ મેચ રમવા માટે તૈયાર છે. હૈદ્રાબાદની સામે 90 જ્યારે સૌરાષ્ટ્રની સામે 95 અને 38 રન બનાવ્યાં હતાં.
વન ડેમાં સૂર્યાનો રેકોર્ડ નથી આકર્ષક
સૂર્યાકુમાર યાદવ શ્રીલંકાની સામે ટી20 સીરીઝ બાદ વનડે સીરીઝમાં પણ સારૂં પ્રદર્શન કરશે તેવી આશા છે. 3 મેચોની વનડે સીરીઝ 10 જાન્યુઆરીથી શરૂ થશે. સૂર્યાનો રેકોર્ડ વન ડેમાં એટલો આકર્ષક રહ્યો નથી. તેમણે અત્યાર સુધી 16 મેચોની 15 ઈનિંગમાં 32ની એવરેજથી આશરે 384 રન બનાવ્યા છે. 2 અર્ધશતક ફટકાર્યાં છે. 64 રન તેમનો બેસ્ટ પ્રદર્શન છે.