IND vs SL / હાથમાં આવેલી મેચ હારી જતાં કેપ્ટન રોહિતનું દર્દ છલકાયું, જોખમ પર બેધડક બોલ્યો હિટમેન

ભારત અને શ્રીલંકા વચ્ચે ત્રણ મેચની વનડે સીરીઝની બીજી મેચ કોલંબોમાં રમાઈ હતી અને આ મેચમાં ટીમ ઈન્ડિયાને હારનો સામનો કરવો પડ્યો હતો. આ મેચમાં ફરી એકવાર ભારતીય બેટ્સમેનોનું ખરાબ પ્રદર્શન જોવા મળ્યું હતું અને કેપ્ટન રોહિત શર્મા સિવાય કોઈ બેટ્સમેન અડધી સદી પણ ફટકારી શક્યું નહતું. એવામાં હવે મેચ હાર્યા બાદ રોહિતે બેટ્સમેનોને તેમના ખરાબ બેટિંગ પ્રદર્શન માટે નિશાન બનાવ્યા હતા અને બોલરો સલાહ આપી હતી.

બીજી વનડેમાં હાર બાદ કેપ્ટન રોહિત શર્માએ કહ્યું, "જ્યારે તમે મેચ હારી જાઓ છો, ત્યારે ઘણું દુઃખ થાય છે અમે આ માત્ર તે 10 ઓવરની વાત નથી, જો તમારે મેચ જીતવી છે તો સતત સારું ક્રિકેટ રમવું પડશે. અમે આજે તે કરવામાં નિષ્ફળ ગયા અને આ કારણે થોડી નિરાશ છે પરંતુ આવું થયા કરે, તમારી સામે જે છે તે તમારે બદલવું પડશે.

રોહિતે તેની બેટિંગ વિશે આગળ વાત કરતાં કહ્યું, "મેં જે રીતે બેટિંગ કરી તેના કારણે હું 65 રન બનાવી શક્યો. જ્યારે હું આવી બેટિંગ કરું છું, ત્યારે મારે ઘણું જોખમ લેવું પડે છે. જો તમે લાઇન ક્રોસ નહીં કરો તો તમે હંમેશા નિરાશ અનુભવો છો, અમે આ પિચની પ્રકૃતિને સમજીએ છીએ, તમારે પાવરપ્લેમાં બને તેટલા વધુ રન બનાવવાનો પ્રયાસ કરવો પડશે.''

રોહિતે કહ્યું કે ભારતીય બેટ્સમેનોએ અહીંની પીચો અનુસાર પોતાને અનુકૂળ બનાવવું પડશે. તેણે કહ્યું, 'તમારે પિચો પ્રમાણે પોતાને અનુકૂળ બનવું પડશે. ડાબા અને જમણા હાથના બેટ્સમેનોના સંયોજન સાથે, અમને લાગ્યું કે સ્ટ્રાઈક રોટેટ કરવી વધુ સરળ રહેશે પરંતુ એવું ન થયું જેનો શ્રેય જ્યોફ્રીને જાય છે, તેણે છ વિકેટ ઝડપી હતી.'

વધુ વાંચો: શ્રીલંકા સામેની મેચમાં કેચ ઝડપીને વિરાટે મેદાન પર કર્યો એવો ડાંસ, ફેન્સ થઇ ગયા આફ્રિન

બીજી મેચમાં શ્રીલંકાએ પ્રથમ બેટિંગ કરીને 240 રન બનાવ્યા હતા. જે બાદ ટીમ ઈન્ડિયાને આ મેચ જીતવા માટે 241 રનનો ટાર્ગેટ હતો પરંતુ ખરાબ બેટિંગના કારણે આખી ટીમ 208 રનમાં સમેટાઈ ગઈ હતી. આ મેચમાં રોહિત શર્માએ 44 બોલમાં સૌથી વધુ 64 રનની ઇનિંગ રમી હતી. તેની ઇનિંગમાં પાંચ ચોગ્ગા અને ચાર છગ્ગાનો સમાવેશ થાય છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ