રેકોર્ડ / IND vs SA: વિરાટ અને રોહિત વચ્ચે આજે થશે રન ની 'જંગ'

• ટીમ ઇન્ડિયા અને સાઉથ આફ્રિકા વચ્ચે ત્રીજી T-20 ઇન્ટરનેશનલ મેચ બેંગ્લોરમાં રમાશે
• રોહિત શર્મા અને વિરાટ કોહલીની વચ્ચે ફરી એક વખત રનની જંગ જોવા મળશે
•  વાસ્તવમાં ગત મેચમાં વિરાટે સૌથી વધારે T-20 રન બનાવવાનો રેકોર્ડ પોતાના નામે કર્યો
• રોહિત વિરાટ કોહલી કરતા એક પગલુ પાછળ છે. ત્રીજી મેચમાં રોહિત પાસે કેપ્ટન કરતા આગળ નીકળવાની છે તક

સાઉથ આફ્રિકા વિરુદ્ઘ T-20 સીરિઝની બીજી મેચમાં 72* રનની ઇનિંગ દરમિયાન વિરાટ કોહલી T-20 ઇન્ટરનેશનલમાં સૌથી વધારે રન કરનાર બેટ્સમેન બની ગયો. PCA સ્ડેડિયમ, મોહાલીમાં રમાયેલી મેચમાં વિરાટ કોહલીની શાનદાર ઇનિંગને કારણે ટીમ ઇન્ડિયા આ મેચ જીતી ગઇ. ટીમ ઇન્ડિયાની સામે 150 રનનો ટાર્ગેટ હતો, જેણે 19 ઑવર્સમાં 3 વિકેટ ગુમાવીને પૂરો કર્યો. 

ગત મેચમાં વિરાટ હતો આગળ:

T-20 ઇન્ટરનેશનલમાં સૌથી વધારે રન કરવાના મામલામાં વિરાટ કોહલીએ રોહિત શર્માને પાછળ કરી દીધો. રોહિતે આ મેચમાં 12 રન કર્યા હતા. વિરાટ કોહલીના નામે હાલમાં 71 T-20 ઇન્ટરનેશનલમાં 2441 રન થઇ ગયા છે, જ્યારે રોહિતના 96 મેચમાં 2434 રન છે. ત્રીજી મેચમાં રોચક જંગ જોવા મળશે. વાસ્તવમાં રોહિત શર્મા ઑપનિંગમાં આવે છે, જ્યારે વિરાટ કોહલી મિડલ ઓર્ડરમાં રમવા માટે આવે છે.

અનોખી હશે રનની 'જંગ'

જો વાઇસ કેપ્ટન રોહિત શર્મા 8 રન કરી દે તો તે વિરાટથી આગળ નીકળી જશે. જોકે આ પછી જો વિકેટ પડે તો વિરાટની પાસે આગળ નીકળવાની તક છે. જોઇએ તો બંને વચ્ચે થનારી આ રસપ્રદ જંગથી દર્શકોને મજા પડશે.

માર્ટિન ગપ્ટિલ છે ત્રીજા સ્થાન પર:

સૌથી વધારે રન કરવાની યાદીમાં ન્યૂઝીલેન્ડના માર્ટિન ગપ્ટિલનું નામ આવે, જેણે 78 મેચમાં 2283 રન કર્યા, જ્યારે પાકિસ્તાનના શોએબ મલિકે 111 મેચમાં 2263 રન કર્યા છે.