કેએલ રાહુલે ટીમને સારી શરૂઆત કરવામાં મદદ કરી હતી તો સૂર્યકુમાર યાદવે અને વિરાટ કોહલીએ ટીમને આ મોટા સ્કોર સુધી લઈ જવામાં જબરદસ્ત ભૂમિકા ભજવી હતી.
ભારત અને દક્ષિણ આફ્રિકા વચ્ચેની બીજી T20 મેચ ઘણી રોમાંચક હતી
આ ખેલાડીઓ એ બનાવ્યો ટીમ ઈન્ડિયા માટે મોટો સ્કોર
કે એલ રાહુલ બન્યા પ્લેયર ઓફ ધ મેચ
ગઈકાલે રમાયેલ ભારત અને દક્ષિણ આફ્રિકા વચ્ચેની બીજી T20 મેચ ઘણી રોમાંચક રહી હતી. ભારતે પહેલા બેટિંગ કરતા 20 ઓવરમાં 3 વિકેટના નુકસાને 237 રન બનાવ્યા હતા. સાઉથ આફ્રિકાને જીત માટે અને સીરીઝમાં બરાબરી કરવા માટે 238 રનનો ટાર્ગેટ આપ્યો હતો. પરંતુ સાઉથ આફ્રિકા 20 ઓવરમાં 3 વિકેટના નુકસાને 221 રન જ બનાવી શકી હતી અને ટીમ ઇન્ડિયાએ 16 રનથી જીત મેળવી હતી.
.@klrahul bags the Player of the Match award as #TeamIndia seal a win in the second #INDvSA T20I. 👍 👍
આ ખેલાડીઓ એ બનાવ્યો ટીમ ઈન્ડિયા માટે મોટો સ્કોર
જણાવી દઈએ કે આ સાથે જ ભારતે 3 મેચની સીરીઝીમાં 2-0થી લીડ મેળવી લીધી છે અને સીરીઝ પોતાના નામે કરી છે. આ પહેલી વખત બન્યું છે કે જ્યારે ટીમ ઇન્ડિયાએ સાઉથ આફ્રિકાને પોતાના ઘરમાં કોઈ T20 સીરીઝમાં માત આપી હોય. ખાસ કરીને ગઈકાલે ગુવાહાટીમાં રમયાલી બીજી T20 મેચમાં ટીમ ઇન્ડિયાએ કમાલની બેટિંગ કરી હતી. સૂર્યકુમાર યાદવ, રોહિત શર્મા અને વિરાટ કોહલીને કારણે ભારત 237 રનનો મોટો સ્કોર બનાવી શક્યું હતું. ભારત માટે આ મેચમાં કેએલ રાહુલે 28 બોલમાં 4 છગ્ગા અને 5 ચોગ્ગાની મદદથી 57 રન તો સૂર્યકુમાર યાદવે 22 બોલમાં 5 છગ્ગા અને 5 ચોગ્ગાની મદદથી 61 રન બનાવ્યા હતા અને વિરાટ કોહલી 49 રન બનાવ્યા હતા. જ્યારે કેએલ રાહુલે ટીમને સારી શરૂઆત કરવામાં મદદ કરી હતી તો સૂર્યકુમાર યાદવે અને વિરાટ કોહલીએ ટીમને આ મોટા સ્કોર સુધી લઈ જવામાં જબરદસ્ત ભૂમિકા ભજવી હતી.
કે એલ રાહુલ બન્યા પ્લેયર ઓફ ધ મેચ
જો કે આ મેચની જીત પછી કેએલ રાહુલને પ્લેયર ઓફ ધ મેચનો ખિતાબ આપવામાં આવ્યો હતો અને આ ખિતાબ જીત્યા પછી કેએલ રાહુલે કહ્યું હતું કે 'બે મેચમાં આવી સારી ઇનિંગ્સ રમીને હું સંતુષ્ટ છું. અલગ અલગ પરિસ્થિતિઓમાં ખુદની જાતને ચકાસવી એ ઘણું સંતોષકારક છે. પહેલી ઇનિંગમાં 2 ઓવર પછી રોહિત અને મારી વચ્ચે વાત થઈ હતી કે પિચ પર પકડ છે અને 180-185નો સ્કોર સારો રહેશે પણ એ પછી કમાલ જ થઇ ગયો હતો.
જો કે મને આશ્ચર્ય થાય છે કે મને 'મેન ઓફ ધ મેચ'નો ખિતાબ કેમ મળ્યો, આ ખિતાબ માટે સૂર્યકુમાર યાદવને મળવો જોઈતો હતો. સૂર્યકુમાર યાદવે તો આખી રમત બદલી નાખી હતી, કારણ કે મિડલ ઓર્ડરમાં બેટિંગ કરતાં મને એવું લાગ્યું હતું કે આ અઘરું છે. જો કે ડીકેને વધુ રમવાનો મોકો નથી મળ્યો પણ જેટલું રમ્યું તે અસાધારણ હતું. આટલું જ નહીં વિરાટ કોહલીએ પણ અદ્ભુત બેટિંગ કરી હતી.