જીત / વિરાટની શાનદાર બેટિંગથી જીત્યું ભારત, સાઉથ આફ્રિકાને 7 વિકેટથી હરાવ્યુ

• ટીમ ઇન્ડિયાએ સાઉથ આફ્રિકાને 7 વિકેટથી હરાવ્યુ
• T-20 સીરિઝની બીજી મેચમાં ટીમ ઇન્ડિયાએ મેળવી શાનદાર જીત
• વિરાટ કોહલી બન્યો મેન ઑફ ધ મેચ 

ટૉસ હારીને પહેલા બેટિંગ કરવા માટે આવેલી સાઉથ આફ્રિકાની ટીમે 20 ઑવર્સમાં 5 વિકેટ ગુમાવીને 149 રન કર્યા અને ટીમ ઇન્ડિયાને જીત માટે 150 રનનો ટાર્ગેટ આપ્યો. ટાર્ગેટ પૂરો કરવા માટે આવેલી ટીમ ઇન્ડિયાએ 19 ઑવર્સમાં 3 વિકેટ ગુમાવીને 151 રન કરી દીધા. ટીમ ઇન્ડિયા માટે કેપ્ટન વિરાટ કોહલીએ 52 બૉલમાં 4 બાઉન્ડ્રી અને 3 સિક્સર્સની મદદથી 72* રન કર્યા. સલામી બેટ્સમેન શિખર ધવને પણ 31 બૉલમાં 40 રન કર્યા. 

1-0 🇮🇳🇮🇳 #TeamIndia wrap the 2nd T20I by 7 wickets #INDvSA @paytm pic.twitter.com/GW0FBddf3k

— BCCI (@BCCI) September 18, 2019

સાઉથ આફ્રિકાએ આપ્યો 150 રનનો ટાર્ગેટ:

સાઉથ આફ્રિકાએ 5 વિકેટ પર 149 રનનો સ્કોર કર્યો અને ટીમ ઇન્ડિયાને જીત માટે 150 રનનો ટાર્ગેટ આપ્યો. મહેમાન ટીમમ માટે કેપ્ટન ક્વિંટન ડી કૉકે હાફ સેન્ચુરી કરી. તેમ્બા બાવુમા એક રનથી હાફ સેન્ચુરી કરતા રોકાઇ ગયો. ક્વિંટન ડિ કૉકે 37 બૉલમાં 8 બાઉન્ડ્રીની મદદથી 52 રનની ઇનિંગ રમી. બાવુમાએ 43 બૉલ પર 3 બાઉન્ડ્રી અને 1 સિક્સરની મદદથી 49 રન કર્યા. ટીમ ઇન્ડિયા માટે માટે દિપક ચહરે 2 વિકેટ, જ્યારે નવદીપ સૈની, રવિન્દ્ર જાડેજા અને હાર્દિક પંડ્યાએ 1-1 વિકેટ લીધી હતી.

કેપ્ટન કોહલીની શાનદાર ઇનિંગ:

That's a 50-run partnership between @imVkohli & @SDhawan25 👌👌

Live - https://t.co/IApWLYsXvx #INDvSA pic.twitter.com/JP7iQTfQ4r

— BCCI (@BCCI) September 18, 2019

ટાર્ગેટ પૂરો કરવા માટે આવેલી ટીમ ઇન્ડિયા માટે રોહિત શર્મા (12)ની વિકેટ જલ્દી ગુમાવી દીધી, જે પછી શિખર ધવન (40) અને વિરાટ કોહલીએ (72*) એ બીજી વિકેટ માટે શાનદાર 61 રનની પાર્ટનરશિપ કરી. ધવનની વિકેટ પડ્યા પછી રિષભ પંત (4) પર જલ્દી આઉટ થઇ ગયો. જોકે પછી વિરાટ કોહલીએ શ્રેયષ અય્યર સાથે મળીને ટીમ ઇન્ડિયાને વધુ વિકેટ ગુમાવ્યા વગર નુકસાને ટાર્ગેટ સુધી પહોંચાડી દીધી. ટીમ ઇન્ડિયાના કેપ્ટન વિરાટ કોહલીએ શાનદાર ઇનિંગની મદદથી જીત અપાવી. વિરાટ કોહલીને પોતાની ઇનિંગ માટે મેન ઑફ ધ મેચ તરીકે પસંદ કરવામાં આવ્યો હતો. 

ટીમ ઇન્ડિયાની પ્લેઈંગ 11: 

રોહિત શર્મા, શિખર ધવન, વિરાટ કોહલી (કપ્તાન), શ્રેયસ અય્યર, રિષભ પંત (વિકેટકીપર), હાર્દિક પંડ્યા, કૃણાલ પંડ્યા, રવિન્દ્ર જાડેજા, વોશિંગ્ટન સુંદર, દીપક ચહર અને નવદીપ સૈની

સાઉથ આફ્રિકાની પ્લેઈંગ 11:

ક્વિંટન ડી કોક (વિકેટકીપર/ કેપ્ટન), રિઝા હેન્ડ્રિક્સ, ટેમ્બા બાવુમા, રસી વાન ડર ડુસેન, ડેવિડ મિલર, એંડીલે ફેલુકવાયો, ડી પ્રેટોરિયસ, બેજોર્ન ફોર્ટુઇન, કાગિસો રબાડા, એનરિચ નોર્ટેજે અને તી શમસી