આક્રમક મિજાજ / કેપ્ટન્સી ગઈ પણ ટણી નહીં! પહેલી જ મેચમાં કોહલી અને સાઉથ આફ્રિકન કેપ્ટન વચ્ચે બબાલ, જુઓ Video

• દક્ષિણ આફ્રિકા સામેની પ્રથમ વન-ડેમાં ચાહકોનું ધ્યાન વિરાટ કોહલી પર
• કોહલીનું સુકાન પદ ગયુ પરંતુ તેમ છતાં પ્રથમ મેચમાં બબાલ યથાવત
• કોહલી અને આફ્રિકાના કેપ્ટન ટેમ્બા બાવુમાની વચ્ચે તીખી નોક-જોંક

કોહલીનો આક્રમક અંદાજ ફરીથી દેખાયો

આમ તો મેચ દરમ્યાન કોહલીનો આક્રમક અંદાજ ફરીથી જોવા મળ્યો. જેણે ફરીથી કેપ્ટન વખતના સમયની યાદ અપાવી દીધી. આ ઘટનાક્રમમાં  સાઉથ આફ્રિકાની બેટીંગ દરમ્યાન કોહલી અને આફ્રિકાનો કેપ્ટન ટેમ્બા બાવુમાની વચ્ચે તીખી નોક-જોંક જોવા મળી. આ આખી ઘટના લેગ સ્પિનર યુઝવેન્દ્ર ચહલ તરફથી નાખવામાં આવેલા 36મી ઓવરના ચોથા બોલમાં બની હતી. દક્ષિણ આફ્રિકાના કેપ્ટન બાવુમાએ બોલને શોર્ટ કવર રીઝનની તરફ રમાડ્યો. જ્યાં કોહલીએ બોલને કલેક્ટ કરી સ્ટ્રાઈકના છેડે થ્રો કર્યો.

Goat Bavuma in the end looks so scared 😭 https://t.co/jhGd5KA39m

— #We want aggressive Kohli back 💪 (@crickohli18) January 19, 2022

બંને ટીમના ખેલાડીઓ વચ્ચે તીખી નોક-જોંક

વિરાટનો થ્રો ટેમ્બા બાવુમાની નજીકથી પસાર થયો અને તેઓ માંડ-માંડ બચ્યા. ત્યારબાદ બાવુમાએ વિરાટને કશુક કહ્યું. કોહલી પણ ક્યા પાછળ રહે તેવા હતા. તેમણે પણ આક્રમક અંદાજમાં આફ્રિકાના કેપ્ટનને જવાબ આપ્યો. સોશિયલ મીડિયામાં આ ઘટનાનો વીડિયો વાયરલ થઇ રહ્યો છે. જો કે હાલની ટેસ્ટ શ્રેણી દરમ્યાન પણ બંને ટીમના ખેલાડીઓની વચ્ચે મેદાન પર તીખી નોક-જોંક જોવા મળી હતી. જસપ્રીત બુમરાહ અને માર્કો જેનસેનની વચ્ચે તણાવની ખૂબ ચર્ચા થઇ હતી. જ્યારે ડીઆરએસ વિવાદને લઇને પણ કેપટાઉન ટેસ્ટ મેચમાં ભારતીય ક્રિકેટરોનો ગુસ્સો જોવા મળ્યો હતો.