દિલ્હીમાં મંચ તૈયાર છે. હવેથી થોડા સમય બાદ ભારત અને સાઉથ આફ્રિકાની ટીમો આમને-સામને રહેશે. તેમની વચ્ચે 5 ટી-20 મેચની શ્રેણીનો પ્રથમ મુકાબલો હશે. પરંતુ દિલ્હીમાં યોજાનારી મેચ પહેલા નિયમોમાં ફેરફારને લઇને મોટા સમાચાર સામે આવી રહ્યાં છે.
દિલ્હીમાં મેચ પહેલા BCCIએ નિયમોમાં કર્યા ફેરફાર
BCCIએ ખેલાડીઓના ડ્રીન્ક્સ બ્રેકના નિયમમાં કર્યો ફેરફાર
કાળઝાળ ગરમીને ધ્યાનમાં રાખીને 10 ઓવર્સ બાદ થશે ડ્રીન્કસ બ્રેક
કાળઝાળ ગરમીને ધ્યાનમાં રાખીને લેવાયો નિર્ણય
BCCIએ નિયમોમાં ફેરફારનો નિર્ણય દિલ્હીની કાળઝાળ ગરમીને ધ્યાનમાં રાખીને લીધો છે. દિલ્હીનુ તાપમાન હાઈસ્તરે છે. જૂનમાં આમ પણ રાજધાની દિલ્હીમાં તાપમાન હાઈ હોય છે. કાળઝાળ ગરમીની અસર મેચ પર પડતા જોઇને BCCIએ નિયમોમાં હળવા ફેરફાર કર્યા છે. દિલ્હીમાં તાપમાન અત્યારે 45 પ્લસ રહ્યું છે. આવી કાળઝાળ ગરમીમાં ખેલાડીઓ માટે મેદાન પર ઉતરીને પર્ફોમ કરવુ મુશ્કેલ થાય છે. એવામાં દિલ્હીમાં કાળઝાળ ગરમીના કારણે કોઈ અનહોની ના ઘટે તેથી BCCIએ નિયમોમાં થોડા ફેરફાર કર્યા છે. આ ફેરફાર એવો છે, જેમકે પાકિસ્તાન અને વેસ્ટ ઈન્ડીઝ વચ્ચે મુલ્તાનમાં રમાઈ રહેલ વન-ડે શ્રેણીમાં જોવા મળ્યો છે. ત્યાં ફેરફાર મેચની ટાઈમિંગને આગળ વધારવા માટે થયો છે અને BCCIએ અહીં જે નિયમો બદલ્યા છે, તે ખેલાડીઓના ડ્રીન્ક્સ બ્રેક સાથેના છે.
10 ઓવર્સ બાદ થશે ડ્રીન્કસ બ્રેક
દિલ્હીની કાળઝાળ ગરમીથી ખેલાડીઓને બચાવવા માટે BCCIએ પહેલી ટી-20માં 10 ઓવર્સ બાદ ડ્રીન્કસ બ્રેક કરવાનો નિર્ણય કર્યો છે. ગરમીની સિઝનને ધ્યાનમાં રાખીને ભારતીય ક્રિકેટ બોર્ડનો આ નિર્ણય સ્વાગત યોગ્ય છે. આ બંને ટીમો તરફથી સરાહના મળી છે. સામાન્ય રીતે નિયમ એવો છે કે આંતરરાષ્ટ્રીય ટી-20માં એક ઈનિંગ દરમ્યાન કોઈ બ્રેક લેવામાં આવતો નથી. પરંતુ દિલ્હીની ગરમીને ધ્યાનમાં રાખીને BCCIએ નિયમ બદલવો પડ્યો.
ICC પણ અજમાવી ચૂકી છે ડ્રીન્ક્સ બ્રેક વાળો નિયમ
BCCIએ ગરમીને ધ્યાનમાં રાખીને જે સ્ટેન્ડ અત્યારે લીધુ છે, એવો જ એક નિર્ણય વર્ષ 2021માં યુએઈમાં ટી-20 વર્લ્ડ કપની એક મેચ દરમ્યાન ICCએ પણ લીધો હતો. ખરેખર, તે પહેલી વખત પણ હતુ જ્યારે 10 ઓવર્સ બાદ ડ્રીન્ક્સ બ્રેક જેવો કોઈ નિયમ લાગુ કરવામાં આવ્યો હતો. BCCIના આ નિયમની ખબર અત્યારે દિલ્હી ટી-20 સુધી મર્યાદીત છે.