ટી20 વર્લ્ડકપમાં ભારતે તેના કટ્ટર વિરોધી પાકિસ્તાનને પરાજય આપીને અગાઉની હારનો બદલો લીધો છે.
ટીમ ઈન્ડીયાએ આપી દિવાળીની ભેટ
ટી20 મેચમાં પાકિસ્તાનને ચાર વિકેટે આપ્યો પરાજય
કોહલી અને હાર્દિક પંડ્યા બન્યાં મેચના હીરો
કોહલીએ માત્ર 53 બોલમાં અણનમ 82 રન કર્યાં
ભારતીય બોલરના તરખાટ સામે પાકિસ્તાન ઘૂંટણીયે પડ્યું
ભારત વતી અર્શદીપ અને હાર્દિક પંડ્યાએ ઝડપી 3-3 વિકેટ
ટીમ ઈન્ડીયાએ દેશને જીતની ભેટ આપી છે. ઓસ્ટ્રેલિયાના મેલબર્ન સ્ટેડિયમમાં રમાયેલી ટી20 મેચમાં ભારતે તેના કટ્ટર હરીફ પાકિસ્તાનને ચાર વિકેટે હરાવીને અગાઉની હારનો બદલો પૂરો કર્યો હતો. વિરાટ કોહલી ભારતની જીતનો હીરો રહ્યો હતો. કિંગ કોહલીએ માત્ર 53 બોલમાં અણનમ 82 રન ફટકારતાં ટીમ ઈન્ડિયાને લગભગ હારેલી બાજી લીધી હતી. રવિચંદ્રન અશ્વિને છેલ્લા બોલે ચોગ્ગો લગાવીને ભારતને જીત અપાવી હતી. આ જીત સાથે ભારતે ગત વર્ષે વર્લ્ડ કપમાં મળેલા પરાજયનો બદલો પણ લઈ લીધો હતો. 160 રનનો પીછો કરવા ઉતરેલી ટીમ ઈન્ડીયાને 8 રનમાં પહેલો ઝટકો મળ્યો હતો. નસીમ શાહે 4 રનમાં કેએલ રાહુલને આઉટ કરાવી નાખ્યો હતો. ત્યાર બાદ રમવા આવેલા કેપ્ટન રોહિત શર્માએ પણ ખાસ કંઈ ઉકાળ્યું નહોતું. પાક.બોલર હેરિસ રૌફે રોહિત શર્માએ 4 રનમાં આઉટ કરાવી નાખ્યો હતો ત્યાર બાદ સુર્યકુમાર યાદવ પણ સસ્તામાં આઉટ થઈ ગયો હતો. સુર્યકુમાર પછી આવેલા અક્ષર પટેલે પણ 2 રન બનાવીને પેવેલિયન ભેગો થઈ ગયો હતો. 31 રન સુધીમાં તો ચાર મોટી વિકેટ ગુમાવી દેતા ભારતના હાથમાંથી જીતની બાજી સરકી ગઈ હોવાનું ચોખ્ખું દેખાતું હતું.
કોહલીએ છેલ્લી ઓવરમાં પલટી બાજી
ભારતીય ટીમને જીતવા માટે 160 રન બનાવવાના હતા. જ્યારે તેના ટોચના ત્રણ બેટ્સમેનો માત્ર 26 રનમાં જ પાછા ફર્યા હતા. કોહલી તે સમયે ક્રિઝ પર હતો અને ત્યાર બાદ ટીમ ઈન્ડિયાને જીતાડીને જ પાછો ફર્યો. તેણે દબાણભર્યા મુકાબલામાં 53 બોલમાં 82 રન ફટકાર્યા હતા, જેમાં તેણે છ ચોગ્ગા અને ચાર છગ્ગા ફટકાર્યા હતા. કોહલીએ છેલ્લી ત્રણ ઓવરમાં મેચની બાજી પલટી નાખી હતી.
કોહલી મેન ઓફ ધ મેચ
મેચમાં 53 બોલમાં 82 રન બનાવીને ભારતને મેચ જીતાડનાર કોહલીને મેચ ઓફ ધ મેચથી નવાજવામાં આવ્યો હતો.
ICC T20 World Cup 2022, Super 12 | India (160/6) beat Pakistan (159/8) by 4 wickets, Virat Kohli 82* pic.twitter.com/cNMocNDQ5i
પાકિસ્તાને આઠ વિકેટે બનાવ્યાં 159 રન
ટોસ હારીને પ્રથમ બેટિંગ કરતા પાકિસ્તાને આઠ વિકેટે 159 રન બનાવ્યા હતા. શાન મસૂદે સૌથી વધુ અણનમ 52 રનનું યોગદાન આપ્યું હતું. તે જ સમયે, ઇફ્તિખાર અહેમદે 34 બોલમાં 51 રન બનાવ્યા હતા. ખાસ વાત એ છે કે, છેલ્લી ત્રણ ઓવરમાં પાકિસ્તાનની ટીમે 34 રન જોડ્યા હતા, જેના કારણે તેઓ સન્માનજનક સ્કોર સુધી પહોંચી શક્યા હતા પરંતુ ભારતીય બોલરના તરખાટ સામે પાકિસ્તાની ક્રિકેટરો ઘૂંટણીએ પડી ગયા હતા.
અર્શદીપ-હાર્દિકે ઝડપી 3-3 વિકેટ
મેચમાં ભારતીય બોલરોએ તરખાટ મચાવીને પાકિસ્તાની ખેલાડીઓને ઘૂંટણીયે પાડી દીધા હતા. ભારત વતી અર્શદીપ સિંહ અને હાર્દિક પંડ્યાએ 3-3 વિકેટ ઝડપી હતી.
મોહમ્મદ શમી કાળ બનીને તૂટી પડ્યો
ઘણા ખેલાડીઓ આઉટ થયા બાદ એક તબક્કે તો એવું લાગતું હતું કે પાકિસ્તાન સસ્તામાં સમેટાઈ જશે અને સન્માનજનક સ્કોર સુધી પણ નહીં પહોંચી શકે પરંતુ મિડલ ઓર્ડરમાં રમવા આવેલા ઇફ્તિખાર અહમદે જબરદસ્ત હિટિંગથી ભારતને દબાણમાં મૂકવાનો પ્રયાસ કર્યો હતો પરંતુ મોહમ્મદ શમી કાળ બનીને તૂટી પડ્યો હતો અને ઘાતક બોલિંગ કરીને ઇફ્તિખાર અહેમદને 13મી ઓવરના બીજા બોલમાં આઉટ કરાવી નાખ્યો હતો. ઇફ્તિખાર અહેમદે 34 બોલમાં 51 રન બનાવ્યા હતા અને તેણે 4 છગ્ગા લગાવ્યાં હતા.
હાર્દિક અને કોહલીએ બાજી સંભાળી
31 રનમાં ચાર વિકેટ પડી જતા ચિંતાનો વાદળો છવાયા હતા પરંતુ ત્યાર બાદ આવેલી હાર્દિક અને કોહલીની જોડીએ બાજી સંભાળી હતી અને 50 રનની ભાગીદારી કરી હતી.
Union Home Minister Amit Shah congratulates Team India on beating Pakistan.
"A perfect way to start the T20 World Cup…Deepawali begins. What a cracking innings by Virat Kohli," tweets Union HM Amit Shah pic.twitter.com/G7sQMxLXLv