સંયુક્ત આરબ અમીરાતમાં આઈસીસી ટી-20 વિશ્વ કપ 2021માં પાકિસ્તાને સત્તાવાર રીતે પોતાનું અભિયાન શરૂ કરતા પહેલાં ભારતીય ટેનિસ સ્ટાર અને પાકિસ્તાનના ક્રિકેટર શોએબ મલિકની પત્ની સાનિયા મિર્ઝાએ ટુર્નામેન્ટ માટે પોતાના પતિની સાથે બાયો બબલમાં પ્રવેશ કર્યો છે.
સાનિયા મિર્ઝાએ પતિની સાથે બાયો બબલમાં કર્યો પ્રવેશ
ભારત-પાકિસ્તાન વચ્ચે પ્રથમ મેચ 24 ઓક્ટોબરે રમાશે
મેચના દિવસે સો.મીડિયા અને ટોક્સિસિટીથી ગાયબ થઇશ: સાનિયા
સાનિયાએ બાયો બબલમાં પ્રવેશ કરવા ઉત્સાહ બતાવ્યો હતો
સ્ટાર કપલનો પુત્ર ઈજહાન મિર્ઝા મલિક પણ તેની સાથે યુએઈમાં છે. આ અગાઉ સાનિયા મિર્ઝાએ એક ટેનિસ મેચની તસ્વીર પોસ્ટ કરી હતી. જેમાં શાંત મુદ્રામાં બાયો બબલમાં પ્રવેશ કરવા માટે પોતાનો ઉત્સાહ બતાવ્યો હતો. સાનિયાએ આ તસ્વીરને શેર કરી કેપ્શન લખ્યું, હું બબલ લાઈફમાં જવા માટે છેલ્લાં બે દિવસથી ક્વોરોન્ટાઈનમાં જવા લડી રહી છું.
ભારત-પાક.ની મેચના દિવસે હું સો.મીડિયામાંથી ગુમ થઇશ: સાનિયા
પાકિસ્તાન પોતાની પ્રથમ મેચ રવિવારે એટલેકે 24 ઓક્ટોબરે ભારત સામે રમશે. ભારતીય ટેનિસ સ્ટારે પહેલા આ બતાવવા માટે રીલ બનાવી હતી કે તેઓ દ્વેષ અને અપશબ્દોથી બચવા માટે ભારત-પાકિસ્તાન મેચના દિવસે સોશિયલ મીડિયામાંથી ગાયબ થઇ જશે. વીડિયોમાં સાનિયાને સ્ક્રીન પરથી સ્ક્રીન પર ટેક્સ્ટ રીડીંગની સાથે જોઈ શકાય છે. સાનિયા કહે છે, ભારત-પાકિસ્તાનના મેચના દિવસે સોશિયલ મીડિયા અને ટોક્સિસિટીથી ગાયબ થઇ રહી છું.
ICC એ ક્રિકેટરોના પરિવારોને બાયો બબલમાં રહેવાની આપી મંજૂરી
આંતરરાષ્ટ્રીય ક્રિકેટ પરિષદે યુએઈ અને ઓમાનમાં થતાં વિશ્વ કપ દરમ્યાન પરિવારોને બાયો બબલમાં ક્રિકેટર સાથે રહેવાની મંજૂરી આપી છે. આ પહેલાં યુએઈએ આઈપીએલ દરમ્યાન ક્રિકેટરના પરિવારના સભ્યોની પણ યજમાની કરી હતી. આ લીગમાં ખેલાડી પોતાની ગર્લફ્રેન્ડ સાથે દેખાઈ હતી. આઈપીએલ 2021 દરમ્યાન દીપક ચાહરે પ્રેમિકા જયા ભારદ્વાજને મહેન્દ્ર સિંહ ધોનીની ચેન્નઈ સુપર કિંગ્સ અને કેએલ રાહુલની આગેવાનીવાળી પંજાબ કિંગ્સની મેચ બાદ પ્રપોઝ કર્યુ હતુ.
ઉલ્લેખનીય છે કે, ભારત અને પાકિસ્તાનની વિશ્વ કપની પ્રથમ મેચ રવિવારે 24 ઓક્ટોબરે દુબઈ આંતરરાષ્ટ્રીય સ્ટેડિયમમાં સાંજે 7.30 વાગ્યે શરૂ થશે. ટી 20 વર્લ્ડ કપમાં ભારત હંમેશા પાકિસ્તાન પર ભારે રહી છે. ICC ના આ નાની ફોર્મેટના ટુર્નામેન્ટમાં ભારત-પાકિસ્તાન મેચનો રેકોર્ડ 5-0નો રહ્યો છે.