પ્લેઇંગ ઇલેવન / એશિયા કપમાં પાકિસ્તાન સામેની મેચમાં કોણ રમશે કોણ નહીં? વિરાટ, રાહુલની એન્ટ્રી, આ ખેલાડી થશે બહાર

• 28 ઓગષ્ટે ભારત અને પાકિસ્તાનની ટીમ હશે આમને-સામને
• જાણો ભારત સામે પાકિસ્તાનની પ્લેઈંગ ઈલેવન કેવી હશે
• પાકિસ્તાનના આ ત્રણેય ખેલાડીઓએ ટી-20માં શાનદાર પ્રદર્શન કર્યુ

ખૂબ મજબૂત છે પાકિસ્તાનનો ટોપ ઓર્ડર

ભારત વિરુદ્ધ પાકિસ્તાન માટે વિકેટ કીપર બેટર મોહમ્મદ રિઝવાન અને કેપ્ટન બાબર આઝમ ઓપનિંગ કરશે. તો ત્રણ નંબર પર ફખર જમાન બેટીંગ કરશે. આ ત્રણેય ખેલાડીઓએ ટી-20 આંતરરાષ્ટ્રીયમાં પાકિસ્તાન માટે શાનદાર પ્રદર્શન કર્યુ છે. 

મિડલ ઓર્ડર છે પાકિસ્તાનની નબળી કડી

એશિયા કપમાં પાકિસ્તાનનો મિડલ ઓર્ડર અનુભવહીન રહેશે. જેમાં ચોથા નંબરે હૈદર અલી, પાંચમા નંબરે ઈફ્તિખાર અહમદ અને છઠ્ઠા નંબરે આસિફ અલી બેટીંગ કરશે. જો કે, આસિફ અલીએ 2021 ટી-20 વિશ્વ કપમાં પાકિસ્તાન માટે શાનદાર પ્રદર્શન કર્યુ હતુ. તેમણે અનેક વખત પાકિસ્તાનને હારેલી બાજી જીતાડી હતી.

આવો હશે બોલિંગ વિભાગ

શાહીન આફ્રિદીની ગેરહાજરીમાં હારિસ રઉફ પાકિસ્તાનના મુખ્ય બોલર રહેશે. તો મોહમ્મદ હસનૈન અને નસીમ શાહ તેમનો સાથ આપશે. સ્પિન વિભાગ શાદાબ ખાન અને મોહમ્મદ નવાજ સંભાળશે. આ બંને ખેલાડી નિચલા ક્રમે બેટીંગ દ્વારા પણ ટીમ માટે યોગદાન આપી શકે છે.