કાઉન્ટી ગ્રાઉન્ડ ડર્બી: ભારતની મહિલા ટીમે પાકિસ્તાનને 95 રનથી હરાવવામાં સફળ રહી છે. ભારતે પાકિસ્તાન વિરૂદ્ધ ક્યારેય ન હારવાનો રેકોર્ડ અકબંધ રાખ્યો છે. ચાલી રહેલ મહિલા વર્લ્ડ કપમાં રવિવારે ભારતીય ટીમે જીતની હેટ્રિક લગાવી છે. થોડાજ દિવસ પહેલા પાકિસ્તાનની પુરૂષ ટીમને ચેમ્પિયન્સ ટ્રોફીની ફાઇનલમાં ભારતને હરાવ્યું હતું.
ટીમ ઇન્ડિયાની તે હાર બાદ નિરાશ ક્રિકેટ ચાહકોને ભારતીય મહિલા ટીમે ખુશી આપી છે. 170 રનના લક્ષ્યનો પીછો કરતા પાકિસ્તાનની ટીમ 74 રને જ સંકેલાય ગઇ હતી. પાક. ટીમ તરફથી કેપ્ટન સના મીર અને નાહિદા ખાન જ બે અંકમાં જઇ શકી. ભારતની જીતમાં એકતા બિષ્ટની સ્પિન બહુ ફાયદાકારક નિવડી. તેમણે 10 ઓવરમાં 2 મેડન સાથે 18 રન આપી 5 વિકેટ ઝડપી પાડી હતી. હવે 5 જૂલાઇએ ભારતનો મુકાબલો શ્રીલંકા સાથે છે.