આજે IND Vs PAK વચ્ચે હાઈ વોલ્ટેજ ટક્કર ભારતીયોમાં અનેરો ઉત્સાહ

લંડન: ભારતીય ટીમ આઈસીસી ચેમ્પિયન્સ ટ્રોફીમાં આજે ભારત અને પાકિસ્તાન વચ્ચે હાઇવોલ્ટેજ મુકાબલો થશે. આ મેચ ભારતીય સમય અનુસાર બપોરે ત્રણ વાગ્યે શરૂ થશે. ક્રિકેટ ફેન્સ આ મુકાબલાની આતુરતાથી રાહ જોઇ રહ્યાં છે.

આ મુકાબલો જો પાક. બોલર્સ અને ભારતીય બેટ્સમેન વચ્ચેનો કહીએ તો પણ નવાઈ નથી. વર્લ્ડકપમાં ભારત સામે ક્યારેય ન જીતી શકનાર પાકિસ્તાનનો ચેમ્પિયન્સ ટ્રોફીમાં રેકોર્ડ સારો છે.

ભારત ટીમ પાસે કોહલી રોહિત શર્મા શિખર ધવન યુવરાજ સિંહ અને મહેંદ્ર સિંહ ધોની જેવા બેટ્સમેન છે તો સામે પાક પાસે આમિર અને જુનૈદ ખાન જેવા બોલર્સ છે.

ચેમ્પિયન્સ ટ્રોફીમાં પાકિસ્તાન ભારત સામે બે વખત જીત્યું છે જ્યારે ભારતને એક વખત જીત મળી છે. પરંતુ કાગળ પર ભારતીય ટીમ પાક કરતા વધુ મજબૂત દેખાઈ રહી છે.

ભારત 2013માં બર્મિંગહામમાં પાકિસ્તાનને હરાવવામાં સફળ થયુ હતું અને આજે ફરી બન્ને ટીમ વચ્ચે બર્મિંગહામમાં જ મુકાબલો થશે. આ મેદાન પર ભારતનો રેકોર્ડ સારો રહ્યો છે ભારતે આ મેદાન પર આઠ મેચ રમી છે જેમાંથી પાંચમાં તેનો વિજય જ્યારે ત્રણ મેચમાં હારનો સામનો કરવો પડ્યો છે.