ક્રિકેટ / IND vs NZ VIDEO: વરસાદ બન્યું વિલન છતાં મોજ કરતાં દેખાયા ટીમ ઈન્ડિયાના ખેલાડીઓ, વીડિયો થઈ રહ્યો છે વાયરલ

• વેલિંગ્ટનમાં વરસાદ બન્યો વિલન
• ભારત અને ન્યુઝીલેન્ડ વચ્ચે છે પહેલી ટી20
• પહેલી મેચ નિર્ધારિત સમય પ્રમાણે શરૂ ના થઇ શકી

ભારત અને ન્યુઝીલેન્ડની વચ્ચે ટી20 શ્રેણીની પહેલી મેચ નિર્ધારિત સમય પ્રમાણે શરૂ ના થઇ શકી. વેલિંગ્ટનના સ્કાઈ સ્ટેડિયમમાં થતી સીરીઝના પહેલી મેચમાં ભારે વરસાદના કારણે મોડુ થયુ છે. જેની અસર એ થઇ કે બપોરે 12 વાગ્યે શરૂ થનારી મેચ માટે ટોસ પણ નક્કી સમય પ્રમાણે ના થયો. 

ભારત-ન્યુઝીલેન્ડ ટીમના ખેલાડીઓ મસ્તીના મૂડમાં દેખાયા 

આ દરમ્યાન બંને ટીમોના ખેલાડીઓએ સ્ટેડિયમની અંદર જ અભ્યાસ કર્યો. જો કે, આ અભ્યાસ બેટીંગ અને બોલિંગથી નહીં, પરંતુ ફૂટબોલથી કરવામાં આવ્યો. બ્લેકકેપ્સના ટ્વિટર એકાઉન્ટ પર શેર કરાયેલા તસ્વીરો અને વીડિયોમાં બંને ટીમોના ખેલાડી મસ્તીના મૂડમાં દેખાયા અને ઈન્દોર સ્ટેડિયમમાં જ ફૂટબોલથી વોલીબોલ રમતા દેખાયા. વીડિયોમાં બંને ટીમોના ખેલાડીઓએ ખુરશીઓને એક સાથે રાખીને તેનો નેટ્સના રૂપમાં ઉપયોગ કર્યો અને ફૂટબોલને ખુરશીની ઉપરથી એકબીજા તરફ ઉછાળવા લાગ્યા.

Football volleyball while we wait for the rain to pass 🤞 ⚽️#NZvIND #CricketNation pic.twitter.com/dTU5Z2NbqH

— BLACKCAPS (@BLACKCAPS) November 18, 2022

ભારતીય ટીમ છેલ્લાં થોડા સમયથી ન્યુઝીલેન્ડ ઉપર હાવી રહી છે

મહત્વનું છે કે બંને ટીમોના ખેલાડી છેલ્લી વખત નવેમ્બર 2021માં એકબીજાની સાથે ટી20 મેચ રમી હતી. આ મેચ કોલકત્તાના ઈડન ગાર્ડનમાં રમવામાં આવી હતી, જેને ભારતે જીતી હતી. ભારતીય ટીમ છેલ્લાં થોડા સમયથી ન્યુઝીલેન્ડની ઉપર હાવી રહી છે. ટીમ બંને વચ્ચે રમાયેલી પહેલાની જે દ્વિપક્ષીય સીરીઝમાં સતત 8 મેચ જીતી ગઇ છે. ભારતીય ટીમનો ન્યુઝીલેન્ડનો પહેલાનો પ્રવાસ યાદગાર રહ્યો હતો અને ત્યારે વિરાટ કોહલીની આગેવાનીમાં 5 મેચની સીરીઝથી ક્લીન સ્વીપ કર્યુ હતુ. જો કે, આ વખતે વિરાટ કોહલી, રોહિત શર્મા સહિત ઘણા સીનિયર ખેલાડીઓને આરામ આપવામાં આવ્યો છે અને તેમની ગેરહાજરીમાં ટીમનુ સુકાન હાર્દિક પંડ્યાના હાથમાં છે.