IND vs NZ / ટીમ ઈન્ડિયાએ ન્યુઝીલેન્ડના દિગ્ગજ બેટરથી રહેવુ પડશે સાવધાન ! પાકિસ્તાનમાં મચાવી ચૂક્યો છે કહેર

• ભારત અને ન્યુઝીલેન્ડ પોતાની પહેલી વન-ડે મેચ રમવા માટે તૈયાર
• ભારતીય ટીમ સામે ન્યુઝીલેન્ડના દિગ્ગજ બેટર ડેવોન કૉનવે પડકારરૂપ રહેશે
• પાકિસ્તાન સામે વન-ડે સીરીઝમાં ગજબની બેટીંગ કરી હતી

ડેવોન કૉનવે ભારતીય ટીમ માટે આફતરૂપ બની શકે 

ભારતીય ટીમની સામે ન્યુઝીલેન્ડના દિગ્ગજ બેટર ડેવોન કૉનવેનો પડકાર રહેશે. શ્રીલંકાને વન-ડે શ્રેણીમાં ક્લીન સ્વીપ કર્યા બાદ ભારતીય ટીમ ન્યુઝીલેન્ડ સામે વન-ડે સીરીઝ રમવા માટે તૈયાર છે. આજે ભારતીય ટીમ વન-ડે સીરીઝની શરૂઆત કરશે. ન્યુઝીલેન્ડના દિગ્ગજ બેટર ડેવોન કૉનવે ભારતીય ટીમ માટે આફતરૂપ બની શકે છે. તેમણે પાકિસ્તાન સામે વન-ડે સીરીઝમાં ગજબની બેટીંગ કરી હતી. 

પાકિસ્તાન સામેની વન-ડે શ્રેણીમાં ડેવોન કૉનવે 'પ્લેયર ઑફ ધ સીરીઝ' રહ્યાં હતા

પાકિસ્તાન સામેની વન-ડે શ્રેણીમાં ડેવોન કૉનવે પ્લેયર ઑફ ધ સીરીઝ રહ્યાં હતા. તેઓ આક્રમક ફોર્મમાં રમી રહ્યાં છે. પાકિસ્તાન સામે પહેલી વન-ડેમાં તેઓ પહેલા બોલે આઉટ થયા હતા. બીજી વન-ડેમાં કૉનવેએ સારી વાપસી કરી અને સદી ફટકારી. કૉનવેએ 92 બોલમાં 101 રનની ધમાકેદાર ઈનિંગ રમી હતી. પોતાની ઈનિંગ દરમ્યાન તેમણે 13 ચોગ્ગા અને 1 છગ્ગો ફટકાર્યો હતો. ન્યુઝીલેન્ડે બીજી વન-ડે 79 રનથી જીતી હતી. 

ત્રીજી વન-ડેમાં કૉનવેએ આક્રમક અર્ધસદી ફટકારી હતી 

ત્રીજી વન-ડેમાં કૉનવેએ આક્રમક અર્ધસદી ફટકારી હતી. તેમણે 1 છગ્ગો અને 5 ચોગ્ગાની મદદથી 65 બોલમાં 52 રન બનાવ્યાં. પોતાના આ પ્રદર્શનના કારણે તેઓ પ્લેયર ઑફ ધ સીરીઝ તરીકે પણ પસંદ થયા હતા. 

ભારતીય પિચ પર કરે છે આક્રમક બેટીંગ

ડેવોન કૉનવેને ભારતીય પિચ પર બેટીંગ કરવાનો સારો અનુભવ છે. કૉનવેએ ગયા વર્ષે આઈપીએલમાં ચેન્નઈ સુપર કિંગ્સ માટે આક્રમક બેટીંગ કરી હતી. શરૂઆતમાં તેમને તક નહોતી આપવામાં આવી. પરંતુ જ્યારે તેમને પ્લેઈંગ ઈલેવનમાં સામેલ કરાયા ત્યારે તેમણે સારી બેટીંગ કરી. કૉનવેએ 7 મેચમાં 145.66ના સ્ટ્રાઈક રેટથી 252 રન બનાવ્યાં હતા. જેમાં તેમનો હાઈએસ્ટ સ્કોર 87નો હતો.