ભારતીય ટીમ પોતાની ધરતી પર ન્યુઝીલેન્ડ સામે ત્રણ મેચની વન-ડે સીરીઝની પ્રથમ મેચ હૈદ્રાબાદમાં રમી રહી છે. આ શ્રેણીમાં ભારતીય ખેલાડીઓની પાસે ત્રણ મોટા રેકોર્ડ બનાવવાની તક છે.
ભારતીય ટીમ ન્યુઝીલેન્ડ સામે રમી રહી છે વન-ડે મેચ
શ્રેણીમાં ભારતીય ખેલાડીઓની પાસે ત્રણ મોટા રેકોર્ડ બનાવવાની તક
કોહલીની પાસે વન-ડે ફોર્મેટમાં સૌથી ઝડપી રન બનાવવાની સુવર્ણ તક
કોહલીની પાસે સૌથી ઝડપી 13 હજાર રન બનાવવાની સુવર્ણ તક
ન્યુઝીલેન્ડ સામે ત્રણ વન-ડે મેચમાં પૂર્વ ભારતીય કેપ્ટન વિરાટ કોહલી, સ્ટાર ઓપનર શુભમન ગિલ અને અનુભવી ફાસ્ટ બોલર મોહમ્મદ શમીની પાસે મોટા રેકોર્ડ્સ બનાવવાની તક છે. કોહલીની પાસે વન-ડે ફોર્મેટમાં સૌથી ઝડપી (સૌથી ઓછી ઈનિંગમાં) 13 હજાર રન બનાવવાની સુવર્ણ તક છે. તેમણે અત્યાર સુધી 268 વન-ડે મેચની 259 ઈનિંગમાં 12,754 રન છે. જો કોહલી 246 રન વધુ બનાવે છે તો તેઓ ફાસ્ટેસ્ટ 13 હજાર રનનો રેકોર્ડ પોતાના નામે કરી લેશે.
હાલ આ રેકોર્ડ સચિન તેંડુલકરના નામે છે
વન-ડે ફોર્મેટમાં સૌથી વધુ (સૌથી ઓછી ઈનિંગમાં) 13 હજાર રન બનાવવાનો રેકોર્ડ અત્યારે લીજેન્ડ સચિન તેંડુલકરના નામે છે. તેમણે 321 ઈનિંગમાં આ રેકોર્ડ બનાવ્યો હતો. એટલેકે કોહલીની પાસે આ રેકોર્ડ તોડવા માટે હજી ઘણો સમય છે. શુભમન ગિલની પાસે વન-ડે ફોર્મેટમાં સૌથી વધુ એક હજાર રન બનાવવાની તક છે. ગિલે અત્યાર સુધી 18 વન-ડે મેચમાં 894 રન બનાવ્યાં છે. તેમને હજી પણ 106 રનની જરૂર છે. જો ગિલ આ રેકોર્ડ બનાવે છે તો કોહલીનો રેકોર્ડ તોડી નાખશે.
વિશ્વમાં આ રેકોર્ડ પાકિસ્તાનના ફખર જમાનના નામે
મહત્વનું છે કે વન-ડે ક્રિકેટમાં સૌથી વધુ એક હજાર રન બનાવનારા ભારતીયનો રેકોર્ડ કોહલીના નામે છે, જેમણે આ સિદ્ધી 24 ઈનિંગમાં પ્રાપ્ત કરી હતી. જ્યારે વિશ્વમાં આ રેકોર્ડ પાકિસ્તાનના ફખર જમાનના નામે છે. તેમણે 18 ઈનિંગમાં આ હજાર વન-ડે રન બનાવ્યાં હતા.
મોહમ્મદ શમી પાસે છે આ સુવર્ણ તક
અનુભવી ફાસ્ટ બોલર મોહમ્મદ શમીની પાસે સૌથી વધુ વન-ડે વિકેટ લેનાર ભારતીય ખેલાડીઓની ટોપ 10 યાદીમાં સામેલ થવાની તક છે. શમીએ અત્યાર સુધી 85 મેચમાં 155 વિકેટ લીધી અને તેઓ 11મા નંબરે છે. તેઓ ત્રણ વિકેટ લેતા જ મનોજ પ્રભાકરને પાછળ છોડી દેશે.