ક્રિકેટ / VIDEO: સારા ભાભી જૈસી હો... સ્ટેડિયમમાં શુભમનને જોઈ લોકોએ પાડી ચિચિયારી, કોહલીએ જોરદાર રિએક્શન આપ્યું

• ન્યુઝીલેન્ડ સામેની ત્રીજી વન-ડેમાં ફરીથી સારાનુ નામ સ્ટેડિયમમાં ગુંજ્યુ
• સારા નામની મિસ્ટ્રી શુભમન ગિલનો પીછો છોડી રહી નથી
• ગિલ બાઉન્ડ્રી લાઈન નજીક ઉભા હતા ત્યારે સારા નામનુ નામ ગુંજ્યુ

એક વખત ફરીથી સારાનુ નામ સ્ટેડિયમમાં ગુંજ્યુ

સારા નામની મિસ્ટ્રી ભારતીય ટીમના સ્ટાર બેટર શુભમન ગિલનો પીછો છોડી રહી નથી. મંગળવારે ઈન્દોરમાં ન્યુઝીલેન્ડ સામે રમાયેલ ત્રીજી અને ફાઈનલ વન-ડે મેચમાં એક વખત ફરીથી સારાનુ નામ સ્ટેડિયમમાં ગુંજ્યુ. આ નજારો એવા સમયે જોવા મળ્યો જ્યારે શુભમન ગિલ બાઉન્ડ્રી લાઈનની નજીક ઉભા હતા. જેવા તેઓ થોડો સમય ત્યાં રોકાયા, દર્શકોમાંથી એક યુવકે જોરજોરથી નારા લગાવવાનુ શરૂ કર્યુ, 'હમારી ભાભી કૈસી હો, સારા ભાભી જૈસી હો...'. ત્યારબાદ બીજા ક્રિકેટ પ્રેમીઓ પણ સુરમાં સુર પુરાવવા લાગ્યા. જો કે, ગિલે આ વખતે પણ કોઈ જવાબ ના આપ્યો. આની પહેલા પણ તેઓ ફર્સ્ટ વન-ડે મેચમાં જ્યારે બાઉન્ડ્રી રોપની પાસે પહોંચ્યા ત્યારે પણ ક્રિકેટ પ્રેમીઓેએ બૂમો પાડવાનુ શરૂ કર્યુ હતુ. આ અવાજને સાંભળીને તેઓ શરમાઈ ગયા. ગિલને સારા નામનો અનેક વખત સામનો કરવો પડી રહ્યો છે. 

Indore crowd teasing Shubman Gill. 🤣🤣#ShubmanGill #IndvsNZ2ndODI pic.twitter.com/deoZ7kSvbz

— . (@deadlesskid) January 24, 2023

Shubman Gill waves after fans chant 'Sara-Sara'.

Sara Tendulkar or Sara Ali Khan? 🤔😜🤫#SaraAliKhan #SaraTendulkar #ShubmanGill #INDvsNZ pic.twitter.com/QyHKKvFph2

— Smriti Sharma (@SmritiSharma_) January 18, 2023

આખરે શું છે સારા નામની મિસ્ટ્રી? 

ખરેખર, શુભમન ગિલનુ નામ સચિન તેંડુલકરની પુત્રી સારા અને બોલીવુડ અભિનેત્રી સારા અલી ખાન બંનેની સાથે જોડાઈ ગયુ છે. થોડા સમય પહેલા શુભમન અને સારા અલી ખાનની તસ્વીરો સોશિયલ મીડિયામાં વાયરલ થઇ હતી. તો બીજી તરફ તેમનુ નામ સચિન તેંડુલકરની પુત્રી સારા તેંડુલકર સાથે પણ જોડાયુ છે. થોડા સમય પહેલા લોકપ્રિય પંજાબી ચેટ શો દિલ દીયાં ગલ્લાંમાં શુભમનને પૂછવામાં આવ્યું કે બોલીવુડની સૌથી ફિટ ફીમેલ અભિનેત્રી કોણ છે? શુભમને તરત સારાનુ નામ લીધુ. પછી તેમને પૂછવામાં આવ્યું, 'શું તેઓ સારાને ડેટ કરી રહ્યાં છે?' જેના પર શુભમને કહ્યું, કદાચ. જો કે, તેની પુષ્ટિ હજી સુધી થઇ નથી કે ક્રિકેટર બંનેમાંથી કોની સાથે સંબંધમાં છે કે નહીં.