ભારત અને ન્યૂઝીલેન્ડ વચ્ચે વન ડે સીરીઝની શરૂઆત થવાની છે ત્યારે આ મેચમાં એક અનોખો રેકોર્ડ બનાવી શકે છે. જો આ મેચમાં પૃથ્વી અને મયંક ઓપનિંગ કરે તો રેકોર્ડ બનશે જેમાં બે ખેલાડીઓ ડેબ્યુ મેચમાં જ ઓપનિંગ કરે.
આ પહેલાં 2016માં બન્યો હતો આવો જ રેકોર્ડ
પૃથ્વી અને મયંક કરી શકે છે ઓપનિંગ
T 20 બાદ વન ડે સીરીઝ જીતવી ભારતનું લક્ષ્ય
ટી 20માં શાનદાર પ્રદર્શન કરીને ઐતિહાસિક જીત બાદ હવે ભારતીય ટીમ વન ડેમાં જીતના ઈરાદાથી મેદાન પર ઉતરવાની છે. ભારત અને ન્યૂઝીલેન્ડ વચ્ચે સીરીઝની પહેલી મેચ બુધવારે હેમિલ્ટનના સેડન પાર્કમાં ભારતીય સમય અનુસાર સવારે 7.30 કલાકે થશે.
મેચ પહેલા પ્રેસ કોન્ફ્રેન્સમાં ભારતીય ટીમના કેપ્ટન વિરાટ કોહલીએ કહ્યું કે જૂની રણનીતિ માટે કે એલ રાહુલે પાંચમાં સ્થાને બેટિંગ કરી હતી. તે બાદ તેમણે કહ્યું કે પૃથ્વી શો ભારત તરફથી ડેબ્યુ કરશે. જે બાદ સ્થિતિ સ્પષ્ટ છે કે ભારત તરફથી પૃથ્વી અને મયંક અગ્રવાલ ઓપનીંગ કરશે. જો આવું થાય છે તો પૃથ્વી અને મયંક એક ખાસ રેકોર્ડ પોતાના નામે કરવા જઈ રહ્યા છે. આ ખાસ રેકોર્ડ એ છે કે ભારતના બે ઓપનિંગ બેટ્સમેન ડેબ્યુ મેચમાં ઇનિંગની શરૂઆત કરશે.
આ પહેલાં 1974માં ઇંગ્લેન્ડ વિરુદ્ધ પાર્થસારથી અને દિલીપ વેંગસરકરે ડેબ્યુ કર્યું હતું. વર્ષ 2016માં કે એલ રાહુલ અને કરુણ નાયર તેમ બંને ઓપનિંગ બેટ્સમેનની તે ડેબ્યુ મેચ પણ હતી. જયારે હવે પૃથ્વી અને મયંક પણ આ કમાલ કરવા જઈ રહ્યા છે. બંને ખેલાડીઓ માટે આ ડેબ્યુ મેચ હશે અને તે ભારતના ઓપનિંગ બેટ્સમેન પણ હશે.