ભારતીય ટીમના કેપ્ટન વિરાટ કોહલી ઈંગ્લેન્ડ સામે ઓવલમાં રમાતી ટેસ્ટ મેચમાં મોટી ઈનિંગ રમવામાં નિષ્ફળ સાબિત થયા. મેચની બીજી ઈનિંગમાં ફક્ત 44 રન બનાવી તેઓ આઉટ થયા છે. આ સાથે તેઓ સદી પણ ચૂક્યા હતા.
વિરાટ કોહલી ઓવલમાં ફક્ત 44 રન બનાવી આઉટ થયા
કોહલીએ આઉટ થયા બાદ ડ્રેસિંગ રૂમમાં ઉતાર્યો ગુસ્સો
મોઈન અલીએ ટેસ્ટ ક્રિકેટમાં કોહલીની છઠ્ઠી વખત વિકેટ લીધી
કોહલી આક્રમક મૂડમાં જોવા મળ્યાં હતા. તેમણે શાનદાર શોટ્સ ફટકાર્યા હતા. પરંતુ છેલ્લી અમુક ઈનિંગના કારણે કોહલી સેટ થયા બાદ પણ આઉટ થઇ ગયા. મોઈન અલીએ તેમને આઉટ કર્યા.
મોઈન અલીએ વિરાટની છઠ્ઠી વખત વિકેટ લીધી
મોઈન અલીએ વિરાટ કોહલીની ટેસ્ટ ક્રિકેટમાં છઠ્ઠી વખત વિકેટ લીધી. મોઈનથી વધુ જેમ્સ એન્ડરસન અને નાથન લિયોન બે એવા બોલર છે, જેણે કોહલીને ટેસ્ટ મેચમાં સૌથી વધુ વખત આઉટ કર્યા છે. આંતરરાષ્ટ્રીય ક્રિકેટમાં કોહલીને સૌથી વધુ વખત આઉટ કરવાનો રેકોર્ડ એન્ડરસન, ટીમ સાઉદી અને મોઈન અલીના નામે છે. આ ત્રણ બોલરોએ કોહલીને 10 વખત આઉટ કર્યો છે.
કોહલીએ ડ્રેસિંગ રૂમમાં ઉતાર્યો ગુસ્સો
કોહલી જ્યારે આઉટ થઈને ડ્રેસિંગ રૂમમાં ગયા હતા તો તેઓ નિરાશ જોવા મળ્યા હતા. તેમણે નારાજગીમાં પોતાનો હાથ દીવાલ પર માર્યો હતો. જેનો વીડિયો સોશિયલ મીડિયામાં ઝડપથી વાયરલ થઈ રહ્યો છે. ઉલ્લેખનીય છે કે, કોહલી 53 ઈનિંગમાં સદી બનાવી શક્યા નથી. તેમણે આંતરરાષ્ટ્રીય ક્રિકેટમાં છેલ્લી વખત નવેમ્બર 2019માં બાંગ્લાદેશની સામે ડે-નાઈટ ટેસ્ટ મેચમાં સદી બનાવી હતી. તેમણે કલકત્તામાં 136 રનની આક્રમક ઈનિંગ રમી હતી. સદી ના બનાવવાની નિરાશા કોહલીના ચહેરા પણ જોવા મળી હતી.