ભારત અને ઈંગ્લેન્ડની વચ્ચે લોર્ડ્સમાં થયેલા બીજી ટેસ્ટ વખતે ફાસ્ટ બોલર જેમ્સ એન્ડરસન અને જસપ્રીત બુમરાહની વચ્ચે ખૂબ બોલચાલ થઈ ગઈ હતી.
શાર્દુલ ઠાકુરે કર્યો ખુલાસો
બુમરાહને વિદેશી ક્રિકેટરે આપી હતી ગાળો
જાણો શું બની હતી ઘટના
ભારત અને ઈંગ્લેન્ડની વચ્ચે હાલમાં પુરી થયેલી ટેસ્ટ સીરીઝ (IND vs ENG Test Series)માં મેચની સાથે બોલચાલ પણ ખૂબ થઈ હતી. બન્ને ટીમના ખેલાડીઓએ એક બીજાને સ્લેજીંગનો કોઈ મોકો ન હતો છોડ્યો. ખાસ કરીને લોર્ડ્સમાં થયેલા ત્રીજા ટેસ્ટમાં તો ખેલાડીઓની વચ્ચે ખૂબ બોલચાલ થઈ હોવાની વાત સામે આવી છે. આ મેચમાં ભારતીય ફાસ્ટ બોલર જસપ્રીત બુમરાહ (Jasprit Bumrah) અને જેમ્સ એન્ડરસન (james anderson)ની વચ્ચે અણબનાવ થયો હતો. ત્યારે તે બન્નેની વચ્ચે અસલમાં શું વાત થઈ હતી તે ટીમના ઓલરાઉન્ડર શાર્દુલ ઠાકુરે (Shardul Thakur) ખુલાસો કર્યો છે.
શાર્દુલે એક ઈન્ટરવ્યૂમાં કહ્યું કે અમે એન્ડરસન પર એટેક કરવાનો પ્રયત્ન કરી રહ્યા હતા. લોર્ડ્સ ટેસ્ટ લખતે જે પણ કંઈ થયું હતું તે ઓવલમાં પણ જોવા મળી રહ્યું હતું. મને પછીથી જણાવવામાં આવ્યું કે એન્ડરસનને બુમરાહને કંઈક કહ્યું જે તેમણે ન કહેવું જોઈતું હતું. મને જણાવવામાં આવ્યું હતું કે તેમણે બુમરાહને અપશબ્દો કહ્યા હતા. જેને બધાની સામે બોલી પણ ન શકાય. માટે ભારતીય ખેલાડી આ ઘટના બાદ આક્રામક થઈ ગયા હતા અને ઈંગ્લેન્ડના ખેલાડીઓને તેમના જ અંદાજમાં જવાબ આપ્યો હતો.
બુમરાહે લોડર્સમાં એન્ડરસન પર બાઉન્સર ફેંક્યા હતા
એન્ડરસન લોર્ડ્સ ટેસ્ટમાં બુમરાહના બાઉન્સરથી ખૂબ પરેશાન થયા હતા. જ્યારે બુમરાહની બેટિંગ આવી તો ઈંગ્લેન્જના ફાસ્ટ બોલરોએ પણ પોતાની શોર્ટ-પિચ બોલિંગથી તેમને નિશાન બનાવ્યા હતા પરંતુ બુમરાહે મોહમ્મદ શમીની સાથે ઈંગ્લિશ ફાસ્ટ બોલરનો સામનો કર્યો હતો.
આપણે કેમ બોડીલાઈન બોલિંગ ન કરી શકીએ? શાર્દૂલ
આ ભારતીય ફાસ્ટ બોલરે જણાવ્યું કે આપણે વિદેશ જઈએ છીએ તો આપણા બેસ્ટમેનને બાઉન્સર્સનો સામનો કરવો પડે છે. ઓસ્ટ્રેલિયામાં નટરાજનને મિચેલ સ્ટાર્ક અને પેટ કમિંસ દ્વારા બાઉન્સર ફેંકવામાં આવ્યા હતા. જ્યારે તેમને ખબર હતી કે આ વ્યક્તિએ ફાર્સ્ટ ક્લાસ ક્રિકેટમાં પણ વધારે બેટિંગ નથી કરી, તો જ્યારે વિરોધી ટીમના ટેલેન્ડર્સ બેટિંગ કરવા માટે આવે છે તો આપણે તેમને કેમ બાઉન્સર નથી ફેંકી શકતા? આપણે કેમ નવી બોડીલાઈન બોલિંગ કરીએ? આપણે કોઈને ખુશ કરવા માટે નથી રમતા, અમે પણ વિદેશમાં જીતવા માટે જઈએ છીએ.