ક્રિકેટ / ટીમ ઈન્ડિયાનાં ડ્રેસિંગરૂમમાં પહોંચ્યા માહી ભાઈ! કેપ્ટન કુલને સાંભળવા કાન દઈને ગોઠવાઈ ગયા યુવા ખેલાડીઓ

• એમએસ ધોની ભારતીય ખેલાડીઓને મળવા માટે ડ્રેસિંગ રૂમ પહોંચ્યા
• ધોનીએ ભારતીય ખેલાડીઓ સાથે ખાસ્સો સમય વાત કરી
• ડ્રેસિંગ રૂમમાં એમએસ ધોનીની તસ્વીરોને BCCIએ કરી શેર 

ધોની ભારતીય ટીમના ડ્રેસિંગ રૂમમાં પહોંચ્યા

એમએસ ધોની અત્યારે ઈંગ્લેન્ડમાં છે, જ્યાં ભારતીય ટીમ યજમાન ટીમની સામે શ્રેણી રમવામાં મશગુલ છે. એવામાં ધોની ફરીથી ભારતીય ટીમના ડ્રેસિંગ રૂમમાં પહોંચ્યા. જ્યા ક્યારેક તેમની બનાવવામાં આવેલી રણનીતિઓના આધારે ભારત મેચ જીતી લેતુ હતુ અને હારેલી બાજી પલટી નાખતુ હતુ. ભારત-ઈંગ્લેન્ડ વચ્ચે ટી-20 શ્રેણીની બીજી મેચ એજબેસ્ટનમાં  રમવામાં આવી. આ મેચ ભારતીય ટીમ જીતી ગઇ અને આ સાથે ટીમે ટી-20 શ્રેણી પર પણ 2-0ની આગળ રહી પ્રભુત્વ જમાવ્યું. 

ધોનીએ ડ્રેસિંગ રૂમમાં જે કહ્યું, તે બધાએ સાંભળ્યું

એજબેસ્ટનમાં ભારતીય ટીમના ડ્રેસિંગ રૂમમાં એમએસ ધોનીની તસ્વીરોને પોતે BCCIએ શેર કરી છે. સામે આવેલી તસ્વીરોમાં ધોની પોતાના ચિર-પરિચિત અંદાજમાં દેખાઈ રહ્યાં છે, જેને  જોઇને લાગે છે કે ભલે તેઓ હવે નિવૃત્ત થયા છે, પરંતુ તેમનુ મહત્વ હજી પણ યથાવત છે. એમએસ ધોની ડ્રેસિંગ રૂમમાં પહોંચીને જે કઈ પણ કહી રહ્યાં હતા. તેને ત્યાં ઉભા રહેલા બધા ખેલાડીઓ ધ્યાનથી સાંભળી રહ્યાં હતા. ધોનીના આ શ્રોતાઓમાં વિકેટકીપર બેટર ઈશાન કિશનનો પણ સમાવેશ થાય છે. BCCIએ પોતાના કરેલા ટ્વિટનુ કેપ્શન પણ એવુ આપ્યું છે કે જ્યારે એમએસ ધોની વાત કરે છે ત્યારે હંમેશા બધા સાંભળે છે. 

Always all ears when the great @msdhoni talks! 👍 👍#TeamIndia | #ENGvIND pic.twitter.com/YKQS8taVcH

— BCCI (@BCCI) July 9, 2022

રિષભ પંતે ધોની સાથેની મુલાકાતની તસ્વીરને કરી શેર

ધોનીની ભારતીય ડ્રેસિંગ રૂમમાં ખેલાડીઓ સાથેની મુલાકાતની તસ્વીરોને જો BCCIએ શેર કરી છે, તો વિકેટકીપર બેટર રિષભ પંતે આ તકને ડબલ જીત તરીકે જોઇ છે. એટલેકે એક એવુ જે મેદાન પર મળ્યું અને બીજુ તે ધોની સાથે મુલાકાત તરીકે નસીબ થઇ. ઉલ્લેખનીય છે કે ઈશાન હોય કે રિષભ પંત દરેક ક્રિકેટર માટે એમએસ ધોની તેના આદર્શ છે.

Double wins. 💪
Looking forward to the next one. 🇮🇳 pic.twitter.com/incK68UC36

— Rishabh Pant (@RishabhPant17) July 9, 2022