ICC T20 ક્રિકેટ વર્લ્ડ કપની સેમિફાઇનલમાં ઇંગ્લેન્ડ સામે ભારતને કારમી હાર થઇ હતી. આ મેચમાં ટીમ ઈન્ડિયાની બોલિંગ જેટલી ખરાબ હતી એટલી જ ફિલ્ડિંગ પણ હતી.
ભારતની સેમીફાઈનલમાં કારમી હારનો સામનો
ટીમનું બોલિંગ સાથે ફિલ્ડીંગમાં પણ નબળું પ્રદર્શન
મોહમ્મદ શમીપર ગુસ્સે ભરાયો હાર્દિક અને રોહિત
ICC T20 ક્રિકેટ વર્લ્ડ કપની સેમિફાઇનલમાં ઇંગ્લેન્ડ સામે ભારતને કારમી હારનો સામનો કરવો પડ્યો. આ હાર બાદ ટીમ ઈન્ડિયાના ખેલાડીઓ ભાંગી પડ્યા છે. આ મેચમાં ટીમ ઈન્ડિયાની બોલિંગ જેટલી ખરાબ હતી એટલી જ ફિલ્ડિંગ પણ હતી. જ્યારે ભારતીય બેટ્સમેનો ઈંગ્લિશ બેટ્સમેનોને રોકવામાં સંપૂર્ણ રીતે અસમર્થ રહ્યા હતા, ત્યારે તેમની ફિલ્ડિંગ પણ મંદ પડી ગઈ હતી. મેચની 9મી ઓવરમાં પણ કંઈક આવું જ જોવા મળ્યું હતું. ત્યારે ઈંગ્લેન્ડ બેટિંગ કરી રહ્યું હતું.
મોહમ્મદ શમીએ બોલ સાથે કઈક એવું કર્યું
મોહમ્મદ શમીએ બોલ સાથે કંઈક એવું કર્યું, જેને જોઈને બધા આશ્ચર્યચકિત થઈ ગયા. વાસ્તવમાં હાર્દિક પંડ્યા 9મી ઓવર ફેંકી રહ્યો હતો. બીજા બોલ પર ઈંગ્લેન્ડના કેપ્ટન જોસ બટલરે હાર્દિકને રિવર્સ શોટ માર્યો, બોલ ફાઈન લેગ બાઉન્ડ્રી તરફ ગયો. મોહમ્મદ શમી ત્યાં જ ઊભો હતો. તે બોલને પકડવા દોડી રહ્યો હતો. તેના સિવાય ભુવનેશ્વર કુમાર પણ બોલની પાછળ દોડી રહ્યો હતો. શમીએ બોલ પકડ્યો અને તેને વિકેટકીપર તરફ ફેંકવાના બદલે ભુવનેશ્વર તરફ ફેંકવાનો પ્રયાસ કર્યો. પણ તેને ખબર નહોતી કે ભુવી તેની ખૂબ નજીક આવી ગયો છે. શમીનો બોલ ભુવનેશ્વરના માથા ઉપરથી ગયો હતો. ત્યારબાદ ભુવનેશ્વરે દોડીને બોલ પકડ્યો હતો. આ દરમિયાન ઈંગ્લેન્ડના બેટ્સમેનોએ દોડીને 4 રન લીધા હતા.
હાર્દિક અને કેપ્ટન ગુસ્સે ભરાયા
આ ભૂલ જોઈને હાર્દિક અંદરથી પોતાનો ગુસ્સો બતાવી રહ્યો હતો, જ્યારે રોહિત શર્માનો ગુસ્સો શમી તરફના ઈશારાઓમાં પણ દેખાઈ રહ્યો હતો. જેણે પણ આ ખરાબ ફિલ્ડિંગ સીન જોયું તે વિશ્વાસ જ ન કરી શક્યું. ICCએ પણ આ વીડિયો ઈન્સ્ટાગ્રામ પર શેર કર્યો અને લખ્યું- આ શું હતું?
ઇંગ્લેન્ડ ખેલાડીઓની તોફાની પારી
શમીની નબળી ફિલ્ડિંગ જોઈને લાગતું હતું કે ઈંગ્લિશ બેટ્સમેનો દ્વારા ભારતીય બોલરોની મારને કારણે તેની હાલત મુશ્કેલીમાં છે. હેલ્સ અને બટલરના તોફાન સામે ભારતીય બોલરોએ શરણાગતિ સ્વીકારી હતી. બટલરે 80 અને હેલ્સે 86 રન બનાવ્યા અને 10 વિકેટે મેચ જીતી લીધી. એલેક્સ હેલ્સને મેચ ઓફ ધ મેચ આપવામાં આવ્યો હતો.