ઇંગ્લેન્ડના કેપ્ટ્ન જો રૂટનું શાનદાર ફોર્મ બરકરાર છે અને આજે ભારત સામેઓ પણ તેમણે સેન્ચ્યુરી ફટકારી હતી.
જો રૂટે ભારત સામેની પ્રથમ ટેસ્ટમાં ફટકારી સેન્ચ્યુરી
ચેન્નાઈ ટેસ્ટની પ્રથમ ઇનિંગમાં ફટકારી દીધી સેન્ચ્યુરી
પોતાની 98,99 અને 100મી ટેસ્ટમાં સેન્ચ્યુરી મારનાર દુનિયાનો સૌપ્રથમ બેટ્સમેન
ઇંગ્લેન્ડના ટેસ્ટ કેપ્ટ્ન જો રૂટ હાલમાં ખૂબ જ શાનદાર ફોર્મમાં ચાલી રહયા છે, ભારત સામેની પહેલી ચેન્નાએ ટેસ્ટમાં ઇંગ્લેન્ડે બેટિંગ ચૂઝ કરી હતી અને પોતાની પહેલી જ ઇનિંગમાં પ્રવાસી ટીમ તરફથી ટીમના કેપ્ટ્ન જો રૂટે સેન્ચ્યુરી મારતા ઇંગ્લેન્ડનો જુસ્સો વધી જવા પામ્યો છે.
England 263/3 (Joe Root 128*, Dominic Sibley 87, Jasprit Bumrah 40-2) at stumps on day 1 against India at MA Chidambaram Stadium, Chennai.
30 વર્ષીય રૂટે આજે શરૂઆતી ઝટકાઓથી ટીમને સંભાળતા પોતાનું શતક પૂરું કર્યું હતું, સાથે જ મહત્વનું એ છે કે આજે તેમની 100મી ટેસ્ટ હતી અને આ ટેસ્ટમાં પણ તેમણે 100 રન ફટકાર્યા હતા, નોંધનીય છે કે તેમની 50 મી ટેસ્ટ પણ તેમણે ભારતની સામે જ રમી હતી.
ભારતમાં આ તેમની બીજી સેન્ચ્યુરી છે અને ભારતની સામે આ પાંચમી છે, ભારતની અંદર રમાયેલા તમામ સાત ટેસ્ટ મુકાબલાઓમા તેમણે 50થી વધુનો સ્કોર કર્યો છે. અત્યાર સુધીમાં 8300 જેટલા ટેસ્ટ રન ફટકારી ચૂકેલા જો રૂટે નાગપુરમાં (73,20), રાજકોટ(124,4), વિશાખાપટ્ટનમ(53,25), મોહાલી(15,78), મુંબઈ(21,77) અને ચેન્નાઈ(88,6) રન બનાવ્યા હતા.
મેળવી અનોખી સિદ્ધિ
આ સિવાય પણ રૂટે વધુ એક સિદ્ધિ મેળવી હતી, પોતાની 98, 99 અને 100મી ટેસ્ટમાં સતત સેન્ચ્યુરી ફટકારવા વાળા તેઓ દુનિયાના પ્રથમ બેટ્સમેન બની ગયા છે, હાલમાં જ શ્રીલંકાની સામેની બે મેચમાં એક ડબલ સેન્ચ્યુરી(228) અને એક સેન્ચ્યુરી (186) ફટકારી હતી.
રૂટ પોતાની100મી ટેસ્ટમાં સેન્ચ્યુરી મારવા વાળા 10માં અને ઇંગ્લેન્ડના ત્રીજા ( કોલીન કોદ્રે અને એલેક સ્ટીવર્ટ) ક્રિકેટર બની ગયા છે. આની સિવાય જો વાત કરીએ તો ઓસ્ટ્રેલિયાના પૂર્વ કેપ્ટ્ન રિકી પોન્ટિંગએ પણ પોતાની 100મી ટેસ્ટ મેચમાં બંને ઇનિંગ્સમાં સેન્ચ્યુરી ફટકારી હતી. આ સિવાય પાકિસ્તાની ઈન્ઝમામ ઉલ હક, જાવેદ મિયાંદાદ, આફ્રિકાના હાશિમ અમલા અને ગ્રીમ સ્મિથ જેવા ખેલાડીઓ આ કારનામુ પહેલા કરી ચૂક્યા છે.