મિત્રતા / લૉર્ડઝમાં મેચ જોવા પહોંચ્યા એક સમયનાં ભાઈબંદો! સચિન-ગાંગુલી અને ધોની-રૈના દેખાયા એકસાથે

• ભારત અને ઈંગ્લેન્ડની બીજી મેચમાં ભારતીય ટીમનો પરાજય
• ઈંગ્લેન્ડે ત્રણ મેચની સીરીઝમાં 1-1ની બરાબરી કરી
• આ દિગ્ગજ ક્રિકેટરોની જોડી મેચ જોવા પહોંચી 

ભારત-ઈંગ્લેન્ડની બીજી મેચમાં દિગ્ગજોની જોડીએ મેચ ખાસ બનાવી

246 રનનુ સાધારણ લક્ષ્ય મળવા છતા ભારતીય ટીમ આ મેચમાં જીત પ્રાપ્ત ના કરી શકી. ઈંગ્લેન્ડ રીસી ટૉપ્લી સામે ભારતીય બોલરો ઘૂંટણિયે પડી ગયા. ટૉપ્લીએ આ મેચમાં છ વિકેટ લીધી અને ઈંગ્લેન્ડને જીત અપાવી. આ મેચમાં ભલે ભારતીય ટીમે હારનો સામનો કરવો પડ્યો હોય. પરંતુ વિરાટ કોહલીની કવર ડ્રાઈવે બધાનુ દિલ જીતી લીધુ. તો સચિન તેંડુલકર-સૌરવ ગાંગુલી અને સુરેશ રૈના-મહેન્દ્ર સિંહ ધોનીની જોડી પણ આ મેચ જોવા પહોંચી હતી. આ બંને જોડીઓએ મેચને ખાસ બનાવી દીધી. 

રૈના અને ધોનીની જોડી પણ મેચ જોવા પહોંચી 

મહેન્દ્ર સિંહ ધોની અને સુરેશ રૈનાની જોડી ભારતીય ક્રિકેટની સૌથી મનપસંદ જોડીમાંથી એક છે. આ બંનેની સાથે મળીને ભારત માટે અને ચેન્નઈ સુપર કિંગ્સ માટે ઘણી મેચ જીતી છે. આઈપીએલમાં આ જોડી વધુ લોકપ્રિય રહી છે. આ મેચમાં પણ બને સાથે દેખાયા. રૈના અને ધોની આ મેચ જોવા સ્ટેડિયમ પહોંચ્યા હતા અને જ્યારે કેમેરો ધોનીની ઉપર ગયો તો પ્રશંસકોએ પૂરા ઉત્સાહની સાથે તેનુ સ્વાગત કર્યુ. જો કે, આ મેચ આ દિગ્ગજો માટે સારી રહી નથી અને ભારતને 10 વિકેટથી હારનો સામનો કરવો પડ્યો. 

સૌરવ ગાંગુલી અને તેંડુલકરની જોડીએ પણ મેચ જોઇ

બીસીસીઆઈ અધ્યક્ષ સૌરવ ગાંગુલી અને સચિન તેંડુલકરની જોડી પણ આ મેચ જોવા પહોંચી હતી. આ બંને એકસાથે મેચની મજા માણી રહ્યાં છે. જો કે, ભારતીય ટીમ આ મેચ હારી ગઇ અને આ દિગ્ગજોને મજા પણ ના આવી.