ક્રિકેટ / ટીમ ઈન્ડિયાને એક પછી એક ત્રણ ઝટકા, રોહિત-ગિલ બાદ કોહલી પણ સસ્તામાં આઉટ

ભારત અને બાંગ્લાદેશ વચ્ચે 2 ટેસ્ટ મેચની સીરિઝ શરૂ થઈ ગઈ છે અને આ મેચમાં બાંગ્લાદેશ ક્રિકેટ ટીમના કેપ્ટન નઝમુલ હુસૈન શાંતોએ ટોસ જીતીને પ્રથમ બોલિંગ કરવાનો નિર્ણય લીધો છે. ચેન્નાઈના ચેપોક મેદાન પર રમાઈ રહેલી આ પ્રથમ ટેસ્ટ મેચમાં બેટિંગ કરવા આવેલી ભારતીય ટીમની શરૂઆત ખરાબ રહી છે.

બાંગ્લાદેશ સામે ઘરઆંગણે રમાઈ રહેલી પ્રથમ ટેસ્ટ ક્રિકેટના પહેલા દિવસે ભારતીય પ્રથમ દાવની શરૂઆત થઈ ત્યારે કેપ્ટન રોહિત શર્મા અને યશસ્વી જયસ્વાલની જોડી ઓપનિંગ કર્યું હતું પણ હિટમેન વધુ રન બનાવી શક્યા નહતા. જે બાદ શુભમન ગિલ અને વિરાટ કોહલી પણ રન નમાવવામાં નિષ્ફળ રહ્યા હતા. એક સમય એવો હતો જ્યારે ટીમે 34 રનના સ્કોર પર તેની ત્રણ મહત્વની વિકેટો ગુમાવી દીધી હતી.

રોહિત શર્મા હસન મહેમૂદના હાથે સ્લિપમાં નઝમુલ હસન શાંતોના હાથે 6 રન બનાવીને કેચ આઉટ થયો હતો. તેના પછી શુભમન ગિલ પણ ખાતું ખોલાવ્યા વિના પેવેલિયન પરત ફર્યો હતો. રોહિત અને ગિલને આઉટ કર્યા પછી એ જ હસન મહમૂદે વિરાટ કોહલીને પણ પેવેલિયન મોકલ્યો હતો.

પ્રથમ ટેસ્ટ મેચ માટે બંને ટીમોની પ્લેઈંગ-11

ભારત: રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, ઋષભ પંત (વિકેટકીપર), રવિન્દ્ર જાડેજા, રવિચંદ્રન અશ્વિન, જસપ્રિત બુમરાહ, આકાશ દીપ અને મોહમ્મદ સિરાજ.

વધુ વાંચો: સૌરવ ગાંગુલી ભડક્યો! અપમાન કરનાર સામે નોંધાવી ફરિયાદ, વાંધાજનક છે ટૉપિક

બાંગ્લાદેશ: શાદમાન ઈસ્લામ, ઝાકિર હસન, નઝમુલ હુસૈન શાંતો (કેપ્ટન), મોમિનુલ હક, મુશફિકુર રહીમ, શાકિબ અલ હસન, લિટન દાસ (વિકેટકીપર), મહેંદી હસન મિરાજ, તસ્કીન અહેમદ, હસન મહમૂદ અને નાહીદ રાણા.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ