IND vs BAN / T20Iમાં પ્રથમ વખત બાંગ્લાદેશે ભારતને હરાવ્યું, 7 વિકેટથી આપી માત
Team VTV
12:03 AM, 04 Nov 19
| Updated: 12:04 AM, 04 Nov 19
બાંગ્લાદેશે રવિવારે પ્રથમ ટી-20 ઇન્ટરનેશનમાં ભારતને 7 વિકેટથી હરાવતા 3 મેચોની સીરીઝમાં 1-0થી લીડ મેળવી છે. અરૂણ જેટલી સ્ટેડિયમમાં ભારતે પહેલા બેટિંગ કરતા શિખર ધવનને 41 રન ફટકાર્યા હતા. ભારતે 6 વિકેટ પર 148 રન બનાવ્યા હતા.
- બાંગ્લાદેશે પ્રથમ વખત ભારતને ટી-20 ઇન્ટરનેશનલમાં હરાવ્યું
- દિલ્હીમાં બાંગ્લાદેશે ભારતને 7 વિકેટથી હાર આપી ચોંકાવી દીધા
ભારતે બાંગ્લાદેશને 149 રનનો લક્ષ્યાંક આપ્યો હતો. ઋષભપંતે 27 રનોની ઇનિંગ્સ રમી. શ્રેયસ અય્યરે 22, લોકેશ રાહુલે 15 અને કેપ્ટન રોહિત શર્માએ 9 રનનું યોદાન આપ્યું. ધવને 42 બોલ પર ત્રણ ફોર અને એક સિક્સર ફટકારી. ક્રુનાલ પંડ્યાએ અણનમ 15 અને વૉશિંગ્ટન સુંદરે અણનમ 14 રન બનાવ્યા. ભારતે 6 વિકેટ પર 148 રન બનાવ્યા હતા.
જેના જવાબમાં બાંગ્લાદેશની ટીમે 19.3 ઓવરમાં 3 વિકેટ ગુમાવીને 154 રન બનાવતા મુકાબલો જીતી લીધો. કેપ્ટન મહમુદુલ્લાહે વિજયી સિક્સ લગાવી, જ્યારે મુશફિકુર રહીમ (60 રન, 43 બોલ, 8 ફોર, 1 સિક્સ) રન બનાવીને અણનમ રહ્યા.
ભારત માટે ખલીલ અહમદ, યુજવેન્દ્ર ચહલ અને દીપક ચાહરે એક-એક વિકેટ ઝડપી. આ પ્રકારે ભારતીય ટીમને બાંગ્લાદેશ વિરૂદ્ધ પ્રથમ વખત ટી-20 ઇન્ટરનેશનલમાં હારનો સામનો કરવો પડ્યો છે. આ પહેલા 8 મેચ ભારતે એકતરફી જીત મેળવી હતી. બન્ને ટીમો વચ્ચે રમાયેલ આ મેચ ટી-20 નો અત્યાર સુધીની 1000મી આંતરરાષ્ટ્રીય મેચ હતી.
Loading...
