IND vs AUS / ત્રીજા વનડેને લઈને લોકોમાં ભારે ઉત્સાહ, ટિકિટ માટે રાતથી લાગી ચાહકોની લાંબી કતાર

• ઈન્ડિયા અને ઓસ્ટ્રેલિયા વચ્ચે બીજી ODI આજે વિશાખાપટ્ટનમમાં રમાશે
• ત્રીજી મેચ 22 માર્ચ રવિવારના રોજ ચેન્નાઈના ચેપોક સ્ટેડિયમમાં રમાશે
• ચેન્નાઈમાં શનિવારે સવારે 11 વાગ્યાથી ટિકિટ લેવા માટે લોકોની કતાર 

હાલમાં ટીમ ઈન્ડિયા અને ઓસ્ટ્રેલિયા (IND vs AUS) વચ્ચે ત્રણ મેચની ODI સીરિઝ રમાઈ રહી છે અને આ સીરિઝની પહેલી મેચ જીતીને ભારતે 1-0ની લીડ મેળવી લીધી છે. તે જ સમયે, બંને ટીમો વચ્ચે બીજી ODI આજે એટલે કે 19 માર્ચે વિશાખાપટ્ટનમમાં રમાશે.

શનિવારે સવારે 11 વાગ્યાથી ટિકિટ લેવા માટે લોકોની કતાર 
સીરિઝની પહેલી મેચ મુંબઈના વાનખેડે સ્ટેડિયમ ખાતે રમાઈ હતી અને સિરીઝની બીજી મેચ ડૉ. વાય.એસ. સ્ટેડિયમ ખાતે વિશાખાપટ્ટનમમાં રમાશે. સાથે જ જણાવી દઈએ કે આ સિરીઝની ત્રીજી મેચ 22 માર્ચ રવિવારના રોજ ચેન્નાઈના ચેપોક સ્ટેડિયમમાં રમાશે. નોંધનીય છે કે આ મેચની ટિકિટોનું વેચાણ શનિવારથી ઓફલાઈન શરૂ થઈ ગયું છે અને શનિવારે સવારે 11 વાગ્યાથી ટિકિટ લેવા માટે અહીં લોકોની કતાર લાગી હતી જે ભીડમાં ફેરવાઈ ગઈ હતી. આ કારણે સ્થાનિક પોલીસને ભીડનું સંચાલન કરવામાં ભારે મુશ્કેલી પડી હતી અને સ્ટેડિયમની બહાર બેરિકેડિંગ કરવામાં આવ્યું છે અને લોકો લાઈનમાં ઉભા રહીને ટિકિટ ખરીદી રહ્યા છે. 

Cricket fans in Chennai waiting for the tickets for the 3rd ODI from 2 am this morning. pic.twitter.com/uVlItXL0yV

— Johns. (@CricCrazyJohns) March 18, 2023

ટિકિટ લેવાની ભીડને કારણે આ લોકોએ હંગામો મચાવ્યો
ચેપોક ક્રિકેટ સ્ટેડિયમની બહાર ટિકિટ લેવા માટે લોકો ઉત્સુક છે અને બુકિંગ વિન્ડો ખુલતાની સાથે જ આ લોકોની ભીડ એકઠી થઈ ગઈ હતી. એક સમયે એવું લાગી રહ્યું હતું કે ત્યાં હજાર બધા વચ્ચે પહેલા ટિકિટ મેળવવાની હરીફાઈ હતી. સેંકડોની ભીડને કારણે આ લોકોએ હંગામો મચાવ્યો હતો. જો કે પોલીસે સ્થિતિ નિયંત્રણમાં લઈ લીધી હતી. 

1 વ્યક્તિને માત્ર 2 ટિકિટ આપવામાં આવશે
લોકોનો આટલો ઉત્સાહ જોઈને તમિલ ક્રિકેટ એસોસિએશને જાહેરાત કરવી પડી હતી કે 1 વ્યક્તિને માત્ર 2 ટિકિટ આપવામાં આવશે. આ સાથે બ્લેક ટિકિટ ખરીદનારાઓને કડક ચેતવણી પણ આપવામાં આવી છે. ટિકિટનું વેચાણ 18 માર્ચે સવારે 11 થી 8.30 વાગ્યા સુધી કરવામાં આવશે. અગાઉ 13 માર્ચથી ઓનલાઈન ટિકિટ વેચાતી હતી પણ હવે માત્ર ઓફલાઈન ટિકિટ જ ઉપલબ્ધ છે.

ટિકિટની કિંમત રૂ. 1,200
સ્ટેડિયમમાં હવે માત્ર સી અને ડી સ્ટેન્ડ છે જેમાં ઓછી ટિકિટ ઉપલબ્ધ છે અને ટિકિટની કિંમત રૂ. 1,200 છે. આ ટિકિટો ઓનલાઈન ઉપલબ્ધ નથી જેના કારણે લાંબી કતારો જોવા મળી રહી છે. જણાવી દઈએ કે હાલ ભારતીય ટીમ પ્રથમ મેચ જીતીને 1-0થી આગળ છે.