IND vs AUS / અમદાવાદમાં થનારી ચોથી ટેસ્ટ મેચમાં ફરી વધશે ટીમ ઈન્ડિયાની ટેન્શન, ઓસ્ટ્રેલીયા ચાલી શકે છે 'ઈન્દોરવાળી ચાલ'

• ઓસ્ટ્રેલિયા ટીમ અમદાવાદ ટેસ્ટ માટે સંપૂર્ણ તૈયાર દેખાઈ રહી છે
• સિરીઝની છેલ્લી ટેસ્ટમાં સ્ટીવ સ્મિથ ટીમની કેપ્ટનશીપ કરી શકે છે
• ભારતમાં કેપ્ટન તરીકે સ્ટીવ સ્મિથનો રેકોર્ડ ઘણો સારો રહ્યો

ભારત અને ઓસ્ટ્રેલિયા વચ્ચે 9 માર્ચથી સીરિઝની ચોથી ટેસ્ટ મેચ શરૂ થઈ રહી છે. ઈન્દોરમાં ત્રીજી ટેસ્ટ મેચ હાર્યા બાદ ટીમ ઈન્ડિયા થોડી વધુ સાવધાન થઈ ગઈ છે એવામાં હવે ટીમ ઈન્ડિયા આ ચોથી ટેસ્ટ મેચને જીતીને વર્લ્ડ ટેસ્ટ ચેમ્પિયનશિપની ફાઇનલમાં જગ્યા બનાવવા માંગશે. હાલ ટીમ ઈન્ડિયા માટે અહીં મુશ્કેલીઓ વધી રહી છે એવું દેખાઈ રહ્યું છે કારણ કે ઓસ્ટ્રેલિયા ટીમ અમદાવાદ ટેસ્ટ માટે સંપૂર્ણ તૈયાર દેખાઈ રહી છે.

એક રિપોર્ટ અનુસાર સિરીઝની છેલ્લી ટેસ્ટમાં એકલો સ્ટીવ સ્મિથ જ ટીમની કેપ્ટનશીપ કરી શકે છે. કારણ કે ઓસ્ટ્રેલિયાનો કેપ્ટન પેટ કમિન્સ તેની માતાની તબિયત ખરાબ થતાં સ્વદેશ પરત ફર્યો છે. આવી સ્થિતિમાં તેની વાપસી હજુ સુધી નિશ્ચિત નથી. ભારતમાં કેપ્ટન તરીકે સ્ટીવ સ્મિથનો રેકોર્ડ ઘણો સારો રહ્યો છે અને ઈન્દોરમાં પણ ઓસ્ટ્રેલિયા ટીમે તેમના નેતૃત્વમાં જીત મેળવી હતી.

જણાવી દઈએ કે સ્ટીવ સ્મિથે 5 ટેસ્ટ મેચમાં ભારત સામે કેપ્ટનશિપ કરી છે, જેમાંથી 2માં જીત અને 2માં હાર થઈ છે સાથે જ એક ટેસ્ટ મેચ ડ્રો રહી છે. જણાવી દઈએ કે સ્ટીવ સ્મિથ અમદાવાદ ટેસ્ટમાં પણ ટીમની જીત અપાવવાનો પ્રયાસ કરશે જેથી સ્કોર બરાબર રહે તો તેની સામે ટીમ ઈન્ડિયા આ મેચમાં વાપસી કરીને સીરિઝ જીતવાનો પ્રયાસ કરશે. 

Pre-match chat, ft. captain @ImRo45 & Head Coach Rahul Dravid 💬 💬#TeamIndia | #INDvAUS | @mastercardindia pic.twitter.com/QhWsnrAQD6

— BCCI (@BCCI) March 1, 2023

ટીમ ઈન્ડિયા: રોહિત શર્મા, કેએલ રાહુલ, શુભમન ગિલ, ચેતેશ્વર પૂજારા, વિરાટ કોહલી, શ્રેયસ ઐયર, કેએસ ભરત, ઈશાન કિશન, રવિચંદ્રન અશ્વિન, અક્ષર પટેલ, કુલદીપ યાદવ, રવિન્દ્ર જાડેજા, મોહમ્મદ શમી, મોહમ્મદ સિરાજ. , ઉમેશ યાદવ , સૂર્યકુમાર યાદવ , જયદેવ ઉનડકટ

ઓસ્ટ્રેલિયાની ટીમઃ પેટ કમિન્સ, સ્કોટ બોલેન્ડ, એલેક્સ કેરી, કેમેરોન ગ્રીન, પીટર હેન્ડ્સકોમ્બ, જોશ હેઝલવુડ, ટ્રેવિસ હેડ, ઉસ્માન ખ્વાજા, મેટ કુહનમેન, માર્નસ લેબુશેન, નાથન લિયોન, લાન્સ મોરિસ, ટોડ મર્ફી, મેથ્યુ રેનશો, સ્ટીવ સ્મિથ, મિશેલ સ્ટાર્ક, મિશેલ સ્વેપ્સન

બોર્ડર-ગાવસ્કર ટેસ્ટ સીરિઝ 
પ્રથમ ટેસ્ટ - ભારત એક ઇનિંગ અને 132 રને જીત્યું
બીજી ટેસ્ટ - ભારત 6 વિકેટે જીત્યું
ત્રીજી ટેસ્ટ - ઓસ્ટ્રેલિયા 9 વિકેટે જીત્યું
ચોથી ટેસ્ટ - 9 થી 13 માર્ચ, અમદાવાદ